ខេត្តព្រះវិហារ ៖ នៅរសៀលថ្ងៃទី២៥ ខែកក្កដា ឆ្នាំ២០២១ នៅសាលប្រជុំគណបក្សស្រុករវៀង បានប្រារព្វពិធីសំណេះសំណាលជាមួយក្រុមការងារយុវជនគណបក្សស្រុក ក្រោមអធិបតីភាព ឯកឧត្តមឈឿន មុនី អនុប្រធានក្រុមការងារថ្នាក់កណ្ដាលចុះជួយខេត្តព្រះវិហារ ឯកឧត្តម អ៊ុង វុទ្ធី សមាជិកគណអចិន្ត្រៃយ៍គណបក្សខេត្ត និងជាប្រធានក្រុមការងារថ្នាក់ខេត្តចុះជួយស្រុករវៀង ឯកឧត្តមអ៊ុក គឹមសាន ប្រធានក្រុមការងារយុវជនគណបក្សខេត្ត និងមានការអញ្ជើញចូលរួមពីសំណាក់ ប្រធាន អនុប្រធាន សមាជិកសមាជិកា និងក្រុមការងារយុវជនគណបក្សស្រុកជាច្រើនរូប។
បន្ទាប់ពីប្រធានក្រុមការងារយុវជនស្រុករវៀង បានឡើងអានរបាយការណ៍រួចមក ឯកឧត្តម ឈឿន មុនី បានថ្លែងថា ពិធីសំណេះសំណាលនាពេលនេះ ពិតជាមានសារសំខាន់ណាស់សម្រាប់ក្រុមការ ងារយុវជនគណបក្សនៅគ្រប់លំដាប់ថ្នាក់ ពិសេសថ្នាក់ខេត្ត និងថ្នាក់ស្រុក ដើម្បីមានឱកាសបានសំណេះសំណាល និងផ្លាស់ប្ដូរបទពិសោធន៍ឱ្យគ្នាទៅវិញទៅមក ដើម្បីពង្រឹងសាមគ្គីភាព និងឯកភាពផ្ទៃ ក្នុងរបស់យុវជនគណបក្សនៅគ្រប់បណ្ដាថ្នាក់ ។
ឯកឧត្តម អ៊ុក គឹមសាន ប្រធានក្រុម ការងារយុវជនខេត្តក៏បានជំរុញឱ្យក្រុម ការងារយុវជនគណបក្សពង្រឹងនូវរចនា សម្ព័ន្ធដឹកនាំ ការរៀបចំផែនការសកម្ម ភាពការងារ ការពង្រឹងនិងពង្រីកសមាជិកយុវជន ការបញ្ចូលសមាជិកថ្មីជាយុវជនបក្ស និងការបណ្ដុះបណ្ដាលសមាជិកបក្សដើម្បីឈានទៅបង្កើតជាសមាជិកបក្សទាំងបរិមាណ និងគុណភាព ស្របតាមគោលការណ៍របស់គណបក្សគឺ រក្សាចាស់ បង្កើនថ្មី និងសមាជិកបក្សម្នាក់ សន្លឹក ឆ្នោត១សន្លឹកឱ្យគណបក្សទទួលបានជោគជ័យនៅក្នុងការបោះឆ្នោតគ្រប់អាណត្តិទាំងអស់ ពិសេសឆ្នាំ២០២២- ២០២៣ខាងមុខនេះ។
ឯកឧត្តមក៏បានអំពាវនាវដល់យុវជនគណបក្សត្រូវចូលរួមអនុវត្តឱ្យបានម៉ឺង ម៉ាត់នូវអនាម័យតាមវិធានការរបស់ក្រសួងសុខាភិបាល ក៏ដូចជាវិធានការរបស់ប្រមុខរាជរដ្ឋាភិបាល “៣កុំ ៣ការពារ” ពិសេសត្រូវអនុវត្តន៍កាតព្វកិច្ចពាក់ម៉ាស់ លាងដៃនិងអាកុល និងរក្សាគម្លាតសុវត្ថិ ភាពឱ្យបានគ្រប់ៗគ្នា ដើម្បីការពារក្រុមគ្រួសារ និងសហគមន៍ ឱ្យចៀសវាងពីជំងឺកូវីដ-១៩ ដ៏កាចសាហាវនេះ។ បន្ថែមពី នេះទៀត ឯកឧត្តមសំណូមពរដល់បង ប្អូនយុវជនដែលសង្ស័យ ឬមានប្រវត្តិប៉ះពាល់ផ្ទាល់ ឬប្រយោល ជាមួយនឹងអ្នកវិជ្ជមានកូវីដ-១៩ ត្រូវរាយការណ៍ជាបន្ទាន់ដល់អាជ្ញាធរមូលដ្ឋាន ដើម្បីមានវិធានការបានទាន់ពេលវេលា និងទប់ស្កាត់ការឆ្លងរាលដាល ពីសហគមន៍មួយទៅសហគម ន៍មួយទៀត។
សម្ភារដែលនាំយកមកជូននាពេលនោះរួមមាន៖ អង្ករ ៥០០គ.ក ស្មើនឹង២០បេ ទឹកត្រី២០យួរ ទឹកស៊ីអ៊ីវ២០យួរ ត្រីខ ២០ យួរ ម៉ាស់៣០ប្រអប់ ថ្នាំ៣០កញ្ចប់ ម៉ី២០ កេស។ក្នុងនោះដែរឯកឧត្តមអ៊ុក គឹមសាន ក៏បានឧបត្ថមទូរសព្ទចំនួន១២គ្រឿង សម្រាប់១២ឃុំ កុំព្យួទ័រ១គ្រឿងនិងម៉ាស៊ីន ព្រីនធ័រ១គ្រឿងផងដែរ៕
