ខេត្តកោះកុង! ប្រជាពលរដ្ឋរស់នៅភូមិចំការក្រោមឃុំស្រែអំបិលស្រុកស្រែអំបិលបានរៀបរាប់ប្រាប់អ្នកសារព័ត៌មានយើងថា មានក្រុមសាឡង់បូមខ្សាច់ប្រម៉ាន ៧ .៨ សាឡង់ដែលលួចធ្វើការបូមតែពេលយប់ នៅភូមិចំការក្រោមឃុំស្រែអំបិលស្រុកស្រែអំបិលនៅត្រង់ចំណុចព្រែកឃ្នាង លុះព្រឹកឡើងទើបបើកដឹកចេញជារៀងរាល់ថ្ងៃ។ពលរដ្ឋបន្តទៀតថាសាឡង់បូមខ្សាច់នេះជារបស់ ឧកញ៉ា ម្នាក់រស់នៅក្នុងស្រុកស្រែអំបិលនេះឯង។
បើតាមប្រសាសន៍ លោក ខ្លឹម យុនវិសិដ្ឋ ប្រធានមន្ទីរ៉ែនិងថាមពលខេត្តកោះកុងបានបញ្ជាក់យ៉ាងច្បាស់ថា÷ ការលួចបូមខ្សាច់នៅពេលយប់គឺជាអំពើខុសច្បាប់ដូច្នេះមន្ទីរ៉ែនិងថាមពលមានសិទ្ធិដកហូតអាជ្ញាប័ណ្ណនិងធ្វើការផាកពិន័យតាមច្បាប់។ដែលមានចែងជាធរមានហើយលោកក៏បន្តទៀតថានឹងចាត់មន្ត្រីចុះមកពិនិត្យមើល ម្ចាស់អាជីវកម្មដែលលួចបូមខ្សាច់នៅពេលយប់នេះមកទទួលខុសត្រូវចំពោះមុខច្បាប់។ប្រជាពលរដ្ឋដែលរស់នៅក្នុងភូមិចំការក្រោមឃុំស្រែអំបិលសង្ឃឹមយ៉ាងមុតមាំថា លោក ខ្លឹម យុនវិសិដ្ឋ ប្រធានមន្ទីរ៉ែនិងថាមពលខេត្តកោះកុងនិងមិនធ្វើឲ្យពលរដ្ឋខកបំណងឡើយ៕
