នៅរសៀលថ្ងៃសុក្រ ១១រោច ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៤ ខែមករា ឆ្នាំ២០២៥
លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានចាត់លោកឧត្តមសេនីយ៍ត្រី តុប សុវណ្ណ ស្នងការរងទទួលផែនការងារអន្តោប្រវេសន៍ លោកឧត្តមសេនីយ៍ត្រី ជា សំអាត ស្នងការរងទទួលផែនការងារអត្តសញ្ញាណកម្ម
លោកឧត្តមសេនីយ៍ត្រី ចាន់ តិចហុង ស្នងការរងដឹកនាំការិ.ស៊ើបអង្កេតអនុវត្តនីតិវិធី ដឹកនាំការិយាល័យជំនាញពាក់ព័ន្ធ លោកអធិការនគរបាលគ្រប់ស្រុក/ក្រុង លោកអធិការរង-នាយផ្នែកពាក់ព័ន្ធ និងនាយប៉ុស្តិ៍នគរបាលរដ្ឋបាលទាំង១២៧ ចូលរួមពិធីប្រកាសក្រុមការងារ និងផ្សព្វផ្សាយផែនការលេខ០០៣ ផ.ក របស់ក្រសួងមហាផ្ទៃ ស្តីពីការចុះត្រួតពិនិត្យវត្តមានជនបរទេសដែលកំពុងស្នាក់នៅក្នុងខេត្តកណ្តាល ក្រោមអធិបតីភាព ឯកឧត្តម ឧត្តមសេនីយ៍ឯក អ៊ុក ហៃសីឡា អគ្គនាយករង តំណាងដ៏ខ្ពង់ខ្ពស់ ឯកឧត្តម ឧត្តមសេនីយ៍ឯក សុខ វាសនា អគ្គនាយក នៃអគ្គនាយកដ្ឋានអន្តោប្រវេសន៍ និងឯកឧត្តម ហាក់ សុខមករា អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម គួច ចំរើន អភិបាល នៃគណៈអភិបាលខេត្តកណ្តាល នៅសាលប្រជុំសាលាខេត្តកណ្តាល។
