កំពង់ស្ពឺ, ដោយអនុវត្តតាមបទបញ្ជារបស់ លោក ឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ នាព្រឹកថ្ងៃចន្ទ ៨រោច ខែ ជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៨ ខែ ឧសភាឆ្នាំ២០២៦នេះ លោកវរសេនីយ៍ឯក ឡេង គឹមឈាន មេបញ្ជាការរង បានអញ្ជើញដឹកនាំ នាយទាហាន នាយទាហានរង ចូលរួមគោរពទង់ជាតិ នៃព្រះរាជាណាចក្រកម្ពុជា និងនាំយកនូវបទបញ្ជារបស់ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ ផ្សព្វផ្សាយដល់នាយទាហាន នាយទាហានរងផងដែរ ដោយបានកោតសរសើរលើការងារអនុវត្តនាពេលកន្លងមកនូវចំនុចខ្លាំង ដែលយើងសម្រេចបាន ព្រមទាំងដាក់បទបញ្ជាពង្រឹងបន្ថែមមានដូចជា៖ សូមឲ្យនាយទាហាន នាយទាហានរងទាំងអស់យកចិត្តទុកដាក់លើការស្លៀកពាក់ឲ្យបានត្រឹមត្រូវនិងស្អាតបាត កម្លាំងទាំងអស់ត្រៀមនៅនឹងកន្លែង ២៤ម៉ោង លើ២៤ម៉ោង (រងចាំបទបញ្ជាថ្នាក់លើ), អនាម័យកន្លែរស់នៅ និងសម្អាតជាប្រចាំក្នុងបរិវេណបន្ទាយ(អង្គភាព ) នាំគ្នាជួយសន្សំសមចៃទឹកភ្លើងអង្គភាព, កម្លាំងជំនាញទាំងត្រូវអនុវត្តការងារទៅតាមជំនាញឲ្យបានត្រឹមត្រូវ និងបានសង្កត់ធ្ងន់លើអ្នកយាមនៅប៉ុស្ត៍មុខ និងវេនប្រចាំបញ្ជា ប្រចាំការមណ្ឌលប្រតិបត្តិការ ត្រូវយកចិត្តទុកដាក់ឲ្យបានខ្ពស់ចំពោះ សាច់ញ្ញាតជនសង្ស័យដែលចូលជួបជាមួយជនសង្ស័យ ត្រូវពិត្យឲ្យបានច្បាស់ កំណត់ចំនួនអ្នកចូលឲ្យបានត្រឹមត្រូវយកឈ្មោះអ្នកចូល ថតរូប ពិនិត្យសម្ភារៈដែលយកទៅឲ្យជនសង្ស័យឲ្យបានច្បាស់លាស់មុន នឹងឲ្យចូល ហើយអ្នកយាមត្រូវឧស្សាហ៍ដើរទៅពិនិត្យមើលនៅកន្លែងឃុំឃាំងជាច្រចាំ និងកម្លាំងត្រូវផ្តោតលើវិន័យ អនុវត្តការងារតាមឋានុក្រម ពេលអវត្តមានត្រូវមានច្បាប់ឲ្យបានត្រឹមត្រូវ៕
ជាចុងក្រោយ លោក មេបញ្ជាការរង ប្រចាំបញ្ជាបានជូនពរដល់ នាយទាហាន នាយទាហានរងទាំងអស់ដែលមានវត្តមានចូលរួមគោរពទង់ជាតិនៅថ្ងៃចន្ទសប្តាហ៍នេះ សូមឲ្យមានសុខភាពល្អ ជួបតែសុភមង្គល ព្រមទាំងជោគជ័យគ្រប់ភារកិច្ចដែលថ្នាក់លើដាក់ឲ្យ៕
