ខេត្តបាត់ដំបងបង្ហាញពីកក្តាមួយចំនួនដែលនាំឱ្យមានភ្ញៀវទេសចរមកលេងកម្សាន្តច្រើន ជាងគេ បើធៀបនឹងបណ្តាខេត្តដទៃ

បាត់ដំបង៖ មន្រ្តីទេសចរណ៍ខេត្តបាត់ដំបងបានបង្ហាញពីកក្តាសំខាន់មួយចំនួនដែលនាំឱ្យមានកំណើនភ្ញៀវទេសចរផ្ទៃក្នុង មកដើរលេងកម្សាន្ត ក្នុងខេត្តបាត់ដំបង រហូតដល់ជាង៥៦ម៉ឺននាក់ គឺលើសពីបណ្តាខេត្តនានា ទូទាំងប្រទេសនោះ គឺបណ្តាលមកពីកក្តាមួយចំនួនដូចជា ប្រទេសកម្ពុជាមានសុខសន្តិភាពពេញ លេញ , ហេដ្ឋារចនាសម្ព័ន្ធផ្សារភ្ជាប់ពីតំបន់មួយទៅ តំបន់មួយងាយស្រួល , ប្រទេសកម្ពុជាទទួលជោគ ជ័យ ក្នុងការទប់ស្កាត់ជំងឺកូវីដ១៩ ,គោលនយោបាយ របស់រាជរដ្ឋាភិបាលក្នុងការបើកឱ្យប្រារព្ធពិធីចូលឆ្នាំឡើងវិញ បន្ទាប់ពីខកខានរយៈពេលពីរឆ្នាំជាដើម។ លោក អ៊ូច អ៊ំភីនីស្សារ៉ា ប្រធានមន្ទីរទេសចរណ៍ខេត្ត បាត់ដំបងបានបន្ថែមថា រដ្ឋបាលខេត្តបាត់ដំបង បានដឹកនាំសហការជាមួយរដ្ឋ បាលក្រុង ស្រុក និង ស្ថាប័នពាក់ព័ន្ធនានា រៀបចំភ្លើង ពណ៌ សោភ័ណភាព ក្នុងក្រុង និង រៀបចំសង្រ្កានឆ្នាំថ្មីកណ្តាលក្រុង ,មានការប្រគំតន្រ្តីខ្នាតយក្ស ។ ទីតាំងពីស្រុកមួយទៅស្រុកធំទូលាយ នឹងមានចម្ងាយឆ្ងាយៗ ខ្លះរហូតដល់១៣០គីឡូម៉ែត្រ ងាយស្រួលដល់ភ្ញៀវទេសចរមកកម្សាន្តចេញពីតំបន់មួយទៅតំបន់មួយ ទៅលេងតាម គោលដៅទេសចរណ៍នានា ពិសេស រមណីយដ្ឋានអេកូទេសចរណ៍ និង ចំការផលដំណាំ និង ការបោះតង់ស្នាក់ នៅទីនោះ។កក្តាមួយទៀតដែរគឺខេត្តបាត់ដំបងមានផ្ទះសំណាក់ សណ្ឋាគារ អាហារ ដ្ឋានភោជនីយដ្ឋាន យ៉ាង ច្រើនប្រកបដោយសេវាល្អ និងតម្លៃសមរម្យ និងមានវិជ្ជាជីវៈក្នុ្ងងការបំរើសេវាភ្ញៀវជា ដើម ។ លោកបន្តថា បន្ថែមពីលើនោះគឺ ដោយសារមាន ការផ្សព្វផ្សាយបានទូលំទូលា យតាមរយៈសារព័ត៌មាននានាផងនិងតាមបណ្តាញសង្គមផងដែរ ៕