#តើយុត្តិធម៌ដែរឬទេសម្រាប់ប្រជាពលរដ្ឋក្រីក្រនៅក្នុងតំបន់សហគមន៍អូរខ្សាច់ភូមិ 4 ឃុំអូរត្រេះស្រុកស្ទឹងហាវខេត្តព្រះសីហនុ!??
#ប្រភពពីបងប្អូនប្រជាពលរដ្ឋនៅភូមិ 4 ឃុំអូរត្រេះស្រុកស្ទឹងហាវបានអោយដឹងថា ពួកគាត់កំពុងតែរងភាពអយុត្តិធម៌ជាទីបំផុត ដោយត្រូវអាជ្ញាសាលានៃសាលាដំបូងខេត្តព្រះសីហនុលោកឡា ប៊ុនហួន ចេញសេចក្តីសម្រេចចុងក្រោយឲ្យប្រជាពលរដ្ឋនៅក្នុងតំបន់នោះធ្វើការចាកចេញនិងរុះរើលំនៅដ្ឋានផ្ទះសម្បែងដែលមានជាយូរលង់ណាស់មកហើយឲ្យបានមុនថ្ងៃទី 22 ខែសីហាឆ្នាំ2022 នេះជាកំហិត។ ប្រជាពលរដ្ឋកំពុងរងទុក្ខដោយក្រុមមនុស្សមានអំណាចនិងមានប្រាក់ធ្វើទុកបុកម្នេញអស់រយៈពេលជាង20 ឆ្នាំមកហើយនោះ បានលើកឡើងថាលោកឡា ប៊ុនហួនអាជ្ញាសាលានៃសាលាដំបូងខេត្តព្រះសីហនុសម្រេចរឿងនេះហាក់បីដូចជាមានអ្វីនៅពីក្រោយខ្នង ព្រោះថារាល់ការសម្រេចចុះ
អនុវត្តសាលដីកាលេខ៤៥៨ឆ ចុះថ្ងៃទី០១ខែកញ្ញាឆ្នាំ២០១៤របស់តុលាការកំពូល គឺលោកធ្វើហាក់បីដូចជាធ្វើសម្រាប់តែផលប្រយោជន៍បុគ្គលតែម្នាក់ដែលកំពុងតែរំលោភជិះជាន់កេងប្រវ័ញ្ចប្លន់យកដីប្រជាពលរដ្ឋនៅក្នុងតំបន់សហគមន៍អូរខ្សាច់ភូមិ 4 រាប់សិបគ្រួសារនោះ ហើយមិនបានខ្វល់ពីទុក្ខវេទនាទឹកភ្នែកហូរជ្រែកនៃផែនភសុធានៅលើដែនភ្នំនៃឃុំអូរត្រេះនោះឡើយ។ #ឱយុត្តិធម៌អើយតើអ្នកមានសម្រាប់អ្នកក្រដែរឬទេ?
#ឪយុត្តិធម៌អើយតើអ្នកអាចផ្ដល់ជូនទៅដល់ប្រជាពលរដ្ឋក្រីក្រទាំងនោះដែរឬទេ?ប្រជាពលរដ្ឋលោកបានបន្តទៀតថា ពួកលោកទាំងចាស់ទាំងក្មេងដែលមានសមាជិកគ្រួសាររាប់រយនាក់កំពុងតែរងការគំរាមកំហែងយ៉ាងធ្ងន់ធ្ងរនិងទទូលនូវភាពអយុត្ដិធម៌ពីសំណាក់លោកឡា ប៊ុនហួនអាជ្ញាសាលានៃសាលាដំបូងខេត្តព្រះសីហនុ ដោយលោកពុំបានគិតអំពីសុខទុក្ខវេទនារបស់ប្រជាពលរដ្ឋពួកគាត់ឡើយ ព្រោះលោកគិតតែបំពេញនូវ
បំណងនៃមហិច្ឆតាជូនជនល្មមរំលោភយកដីរបស់ពួកគាត់តែប៉ុណ្ណោះ! ពូគាត់បានលើកឡើងបន្តទៀតថានេះមិនមែនជាលើកទីមួយនោះទេដែលលោកឡា ប៊ុនហ៊ួនចិញ្ចឹមចិត្តធ្វើបាបប្រជាពលរដ្ឋ បំពេញបំណងនៃមហិច្ចិតាលោភលន់ បំពានអ្នកក្រជួនបុគ្គលតែម្នាក់។ពីមុនមានលោកប៉ុន សារឿន ក្រោយ ប៉ុន សារឿនស្លាប់ ពេលនេះចេញលោក គីម ចាន់នីម្តង។
ប្រសាសន៍របស់ប្រជាពលរដ្ឋទាំងនោះលោកបានឱ្យដឹងទៀតថា លោកធ្វើការស្នើសុំទៅរដ្ឋបាលសាលាខេត្តព្រះសីហនុ សូមឲ្យបង្កើតគណៈកម្មការវាស់វែងឲ្យបានត្រឹមត្រូវនៅលើដីនោះដែលប្រជាពលរដ្ឋលោកអះអាងថាការអនុវត្តនេះគឺខុសទីតាំងដីហើយហើយបើរកឃើញថាដីដែលពួកគាត់រស់នៅកាន់កាប់ជាង ៤០ឆ្នាំមកហើយនោះគឺជាដីរបស់បុគ្គលដែលបំពានប្លន់យកនោះពួកគាត់នឹងសុខចិត្តរុះរើផ្ទះសម្បែងចុះចេញពីដីនោះដោយគ្មានតវ៉ានោះទេ។ តែផ្ទុយទៅវិញការស្នើសុំនោះត្រូវបានសាលាខេត្តធ្វើសេចក្តីជួនដំណឹងក្រោមហេតុផលថារឿងនេះ គឺនៅលើដែនសមត្ថកិច្ចរបស់តុលាការ។
គ្រាន់តែលិខិតរបស់សាលាខេត្តព្រះសីហនុទៅដល់ដៃរបស់លោកឡា ប៊ុនហ៊ួនភ្លាម លោកឡា ប៊ុនហួន មិនបង្អង់យូរបានចេញសេចក្តីជំរាបដំណឹងក្នុងការអនុវត្តចុងក្រោយបង្អស់មកភ្លាមៗតែម្ដងក្នុងសេចក្តីនោះលោកឡា ប៊ុនហួនបានប្រាប់ថាមន្ត្រីជំនាញនៃសុរិយោដីស្រុកស្ទឹងហាវបានដឹកនាំកម្លាំងជំនាញចុះវាស់វែង៣ លើករួចហើយៗបានរកឃើញថាដីនោះគឺជាដីរបស់ឈ្មោះ គីម ចាន់នី សូមបញ្ជាក់ផងដែរថាកាលពីមុនគឺឈ្មោះប៉ុន សារឿន ជាអ្នកប្ដឹងយកដីនេះអស់ជិត 20 ឆ្នាំប៉ុន្តែពុំបានសម្រេចក្រោយមកគាត់គ្រោះថ្នាក់ចរាចរណ៍ស្លាប់បាត់ទៅស្រាប់តែពេលនេះមានប៉ុន សារឿនទី2 ចេញមុខមកអះអាងថាជាដីរបស់ខ្លួនទៅវិញ គឺឈ្មោះលោក គីម ចាន់ន្នីនេះតែម្តងប្រជាពលរដ្ឋលោកបានអះអាងនិងបដិសេធទាំងស្រុងថាប្រជាពលរដ្ឌពុំដែលមានឃើញមន្ត្រីជំនាញសុរិយោដីស្រុកស្ទឹងហាវណាម្នាក់មកធ្វើការវាស់វែងដូចដែលលោកឡា ប៊ុនហួន បានលើកឡើងនៅក្នុងសំណេររបស់លិខិតជូនដំណឹងចុងក្រោយនោះឡើយ គឺជាការភូតកុហកទៅដល់មហាជនទូទៅទាំងស្រុង។
#នៅពេលនេះប្រជាពលរដ្ឋលោកនៅតែសុំទទូចអង្ករទៅដល់ឯកឧត្តម គួចចំរើន និងក្រសួងពាក់ព័ន្ធទាំងអស់សូមមេត្តាផ្ដល់នូវភាពយុត្តិធម៌ជូនប្រជាពលរដ្ឋពួកគាត់ក្រោមរូបភាពបង្កើតគណៈកម្មាធិការចម្រុះត្រួតពិនិត្យវាស់វែងជាក់លាក់លើទីតាំងដីមុនសម្រេចអនុវត្តបង្គាប់ឲ្យចាកចេញពីលំនៅដ្ឋាននិងរុះរើផ្ទះសម្បែង ជូនប្រជាពលរដ្ឋពួកគាត់ឲ្យបានត្រឹមត្រូវទៅតាមគោលការណ៍ច្បាប់ កុំឲ្យមានមនុស្សអាងអំណាចអាងទឹកប្រាក់បក្ខពួកនិយមសមគំនិតគ្នាកេងប្រវ័ញ្ចជិះជាន់ធ្វើបាបប្រជាពលរដ្ឋក្រីក្រទន់ខ្សោយដូចនេះ។
#ប្រជាពលរដ្ឋនៅក្នុងភូមិ 4 ឃុំអូរត្រេះស្រុកស្ទឹងហាវខេត្តព្រះសីហនុសូមអំពាវនាវដល់ឯកឧត្តមគួច ចំរើន អភិបាលនៃគណៈអភិបាលខេត្តព្រះសីហនុនិង ឯកឧត្តមប្រធានសាលាដំបូងខេត្តព្រះសីហនុ និងឯកឧត្តម កើត រិទ្ធិរដ្ឋមន្ត្រីក្រសួងយុត្តិធម៌ និងជាពិសេសបំផុតដ៏ខ្ពង់ខ្ពស់ថ្លៃថ្លានោះគឺ# សម្ដេចអគ្គមហាសេនាបតីតេជោ ហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជាសម្ដេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែនដែលជានិច្ចជាកាលសម្តេចទាំងទ្វេតែងតែគិតគូរយកចិត្តទុក្ខដាក់អំពីសុខទុក្ខជូនប្រជាពលរដ្ឋគ្រប់ទិសទីក្នុងតំបន់មិនថាទីជិតឬឆ្ងាយទីក្រុង ជនបទដាច់ស្រយាលនោះសម្ដេចទំាងធ្វេ លោកតែងផ្ដល់នូវចិត្តមេត្តាធម៌ជួយសង្គ្រោះសត្វលោកដែលកំពុងរងគ្រោះជានិច្ច៕
