ខេត្តព្រះសីហនុនិងខេត្តកំពតនឹងក្លាយជាទីលានប្រកួតប្រភេទកីឡាបាញ់កាំភ្លើង និងប្រភេទកីឡាប្រណាំងទូកប្រពៃណីខ្នាតអន្តរជាតិ

រាជធានីភ្នំពេញ ៖ គណៈអចិន្ត្រៃយ៍ គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ហៅកាត់ថា CAMSOC កំណត់យកខេត្តព្រះសីហនុ និងខេត្តកំពត ដើម្បីធ្វើជាទីលានប្រកួតប្រភេទកីឡាបាញ់កាំ ភ្លើង និងប្រភេទកីឡាប្រណាំង ទូកប្រពៃណីខ្នាតអន្តរជាតិ ទូកកានូ-កាយ៉ាក់ និងបន្តជំរុញផែនការសកម្មភាពគណៈកម្ម ការជំនាញនានា ក្នុងការឆ្ពោះ ទៅទទួលរៀបចំធ្វើជាម្ចាស់ផ្ទះ ការប្រកួតកីឡាស៊ីហ្គេម។

ថ្លែងក្នុងកិច្ចប្រជុំអនឡាញគណៈអចិន្ត្រៃយ៍ គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ ឯកឧត្តមបណ្ឌិត ថោង ខុន អនុប្រធានអចិន្ត្រៃយ៍ CAMSOC បានចង្អុលបង្ហាញឱ្យឯកឧត្តម វ៉ាត់ ចំរើន រៀបចំការកំណត់ទីលានប្រកួតនៃប្រភេទកីឡាបាញ់កាំ ភ្លើង និងប្រភេទកីឡាទូកប្រពៃណីខ្នាតអន្តរជាតិ ទូកកានូ-កាយ៉ាក់។

ឯកឧត្តម វ៉ាត់ ចំរើន អគ្គ លេខាធិការ CAMSOC បានមានប្រសាសន៍ថា ក្រោយពិភាក្សាជាមួយសហព័ន្ធកីឡាជាតិទាំងពីរនេះរួចមក សហ ព័ន្ធទាំងពីរនេះបានឯកភាពការកំណត់ទីលានប្រកួត ដោ យទូកកានូ-កាយ៉ាក់ធ្វើនៅមជ្ឈមណ្ឌលកីឡាលើទឹករបស់គណៈកម្មាធិការជាតិអូ ឡាំពិកកម្ពុជានៅខេត្តកំពត ។

រីឯទីតាំងបាញ់កាំភ្លើងវិញធ្វើនៅខេត្តព្រះសីហនុ ដែលសហព័ន្ធកីឡាបាញ់កាំភ្លើងកម្ពុជា ដឹកនាំដោយឯកឧត្តម នាយឧត្តមសេនីយ៍ មៀច សុផាន់ណា ដែលកំពុងធ្វើកិច្ច ការនេះយ៉ាងស្វាហាប់ ក្នុងការរៀបចំទីលានប្រកួតនេះ ជាមួយនឹងវិស័យឯកជន។ នេះគឺការកំណត់លើ២ប្រភេទកីឡាបន្ថែមទៀត នៃការកំណ ត់ទីតាំងប្រកួតលើគ្រប់ប្រភេទកីឡាទាំងអស់ ដើម្បីរៀបចំឱ្យបានរួចរាល់ឆ្ពោះទៅទទួលរៀបចំធ្វើជាម្ចាស់ផ្ទះការ ប្រកួតកីឡាស៊ីហ្គេម លើកទី៣២ ឆ្នាំ២០២៣។

ឯកឧត្តម វ៉ាត់ ចំរើន បញ្ជាក់ទៀតថា ក្រៅពីការកំណត់ទីលានប្រកួតនេះ កិច្ចប្រជុំបានពិភាក្សាលើការត្រៀមខ្លួន ការទទួលធ្វើម្ចាស់ផ្ទះការប្រកួតកីឡាជនពិការ អាស៊ានប៉ារ៉ាហ្គេម លើកទី១២ ឆ្នាំ២០២៣ នៅកម្ពុជាផងដែរ ដោយឯកឧត្តម យី វាសនា អគ្គលេខាធិការគណៈកម្មាធិ ការជាតិប៉ារ៉ាឡាំពិកកម្ពុជា បានធ្វើរបាយការណ៍ផែនការយុទ្ធសាស្ត្ររបស់ខ្លួន ក៏ដូចជាផែនការអភិវឌ្ឍវិស័យកីឡាជនពិការ។ ជាមួយគ្នានោះ ឯកឧត្តមក៏បានលើកឡើងនូវការហ្វឹកហាត់របស់កីឡាករ កីឡាការិនីជម្រើសជាតិពិការ ក្នុងការត្រៀមខ្លួនឱ្យបានហ្មត់ ចត់ដូចជាកីឡាមិនពិការដែរ ៕