រាជធានីភ្នំពេញ៖រយៈពេលជាច្រើនឆ្នាំកន្លងមកហើយដដែលរាជធានីភ្នំពេញ ក៏ដូចជាព្រះរាជាណាចក្រកម្ពុជា បានចងទង់ជាតិនៃបណ្តាប្រទេសជាមិត្តនានាតាំងបង្ហាញតាមបង្គោលទង់ជាតិនៅលើសួនច្បារមាត់ទន្លេមុខព្រះបរមរាជវាំង ដើម្បីបញ្ជាក់ពីចំណងមិត្តភាព និងជួយលើកកម្ពស់សោភ័ណភាពរាជធា នីភ្នំពេញផងដែរ ប៉ុន្តែមួយរយៈចុងក្រោយនេះហាក់មានការអាក់ខាន ។ នៅពេលនេះ គេបានសង្កេតឃើញទង់ជាតិជាច្រើនប្រទេសត្រូវបានចងនិងបង្ហូតឡើងលើជាថ្មីម្តងទៀតបក់រវិចៗនៅលលើសួនច្បារប្របមាត់ ទន្លេមុខព្រះបរមរាជវាំង ចាប់ពី សាលសន្និសីទចតុមុខ រហូតដល់រូបសំណាក តេជោមាស និងតេជោយ៉ត រួមជា មួយការតុបតែងលម្អទាំងសួនច្បារ និងភ្លើងពណ៌ផ្សេងៗទៀតរបស់អាជ្ញាធរផងនោះ បានធ្វើឱ្យរាជធានីភ្នំពេញកាន់តែមានសម្រស់មួយកម្រិតថែមទៀត។ ជាក់ស្តែង កាលពីព្រឹកថ្ងៃ ទី១៩ ខែមីនា ឆ្នាំ២០២២ រដ្ឋបាលរាជធានីភ្នំពេញបានរៀបចំដាក់បង្ហាញទង់ជាតិប្រទេសជាមិត្តទាំងអស់ឡើង វិញ នៅសួនច្បារមាត់ទន្លេ បន្ទាប់ពីបានផ្លាស់ប្តូរមួយរយៈដើម្បីដាក់ជំនួសដោយទង់អាស៊ានក្នុងអំឡុងពេលកម្ពុជាធ្វើជាម្ចាស់ផ្ទះទទួលរៀបចំកិច្ចប្រជុំអាស៊ាននាពេលឆាប់ៗខាងមុខនេះ។ មន្ត្រីរដ្ឋបាលរាជធានីភ្នំពេញ បានឱ្យដឹងនៅថ្ងៃទី២១ខែមីនានេះថា ដោយមានការណែនាំពីអភិបាលរាជធានីភ្នំពេញ ក្រុមការងារររបស់លោកបានចងទង់ជាតិតំណាងប្រទេសជាមិត្តនានាចំនួន៧៥ប្រទេស រួមជាមួយការតុបតែងលម្អនានា ដើម្បីចូលរួមអបអរសាទរកិច្ចប្រជុំអាស៊ាន ដែលរាជធានីភ្នំពេញក៏ដូចព្រះរាជរាជាណាចក្រកម្ពុជាធ្វើជាម្ចាស់ផ្ទះ។ លោកបានបញ្ជាក់ថា តាមពិតប្រទេសដែលជាសមាជិកអាស៊ានមានតែ១១ប្រទេសទេ ប៉ុន្តែដោយមានការណែនាំពីថ្នាក់លើ ក៏តម្រូវឱ្យចងទង់ ជាតិប្រទេសជាមិត្តចំនួន៧៥ ប្រទេសតែម្តងទៅ។ គួររំលឹកថា រយ:ពេលជាង ៤០ឆ្នាំកន្លងមកនេះ ផ្តើមចេញពីនយោបាយឈ្នះឈ្នះ ដែលដឹកនាំដោយ សម្តេច អគ្គមហាសេនាបតីតេជោ ហ៊ុន សែន បបានធ្វើឱ្យប្រជាជនកម្ពុជាសម្រេច នូវការផ្លាស់ប្តូរសង្គមយ៉ាងធំធេងដែលគ្មានអ្នកណាអាចនឹក ស្មានដល់។ កម្ពុជាបានប្រែ ក្លាយពីវាលពិឃាដនៃរបបប្រល័យពូជសាសន៏,ពីសមរ ភូមិនៃសង្គ្រាមដ៏រាំរ៉ៃ ពីការបែកបាក់ជាតិ និងការបែង ចែកទឹកដីក្លាយជាប្រជាជាតិមួយដែលមានសុខសន្តិភាព, សេរីភាព,ឯកភាព ស្ថេរភាព និងអភិវឌ្ឍន៍លើគ្រប់វិស័យធ្វើឱ្យជីវភាពប្រជាជនត្រូវបានលើកកម្ពស់ឥតឈប់ឈរ ពិសេសរាជធានីភ្នំពេញកំពុងស្ថិតលើផ្លូវអភិវឌ្ឍន៍ដ៏គួរឱ្យមោទនៈ ក្រោមចក្ខុវិស័យប្រកបដោយគតិបណ្ឌិតរបស់សម្តេចអគ្គមហាសេនាបតីតេជោហ៊ុនសែន នាយករដ្ឋ មន្ត្រីនៃព្រះរាជាណាចក្រកម្ពុជា៕
0
រដ្ឋបាលរាជធានីភ្នំពេញចងទង់ជាតិប្រទេសជាមិត្តចំនួន៧៥ប្រទេស ដើម្បីអបអរកិច្ចប្រជុំកំពូលអាស៊ាន ដែលព្រះរាជាណាចក្រកម្ពុជាធ្វើជាម្ចាស់ផ្ទះនាពេលខាងមុខនេះ
Filed in: ព័ត៌មានជាតិ
