ដើម្បីបង្កើនចំណងមេត្រីភាពរវាង ក្រសួងព័ត៌មាន ជាមួយនឹងយោធភូមិភាគទី ២ នៅថ្ងៃទី២០ ខែមីនា ឆ្នាំ២០២២ ប្រតិភូក្រសួងព័ត៌មាន ដឹកនាំដោយ ឯកឧត្តម កឹម គុណវឌ្ឍន៍ រដ្ឋលេខាធិការក្រសួងព័ត៌មាន និងឯកឧត្តម លី វ៉ាន់ហុង ប្រតិភូរាជរដ្ឋាភិបាល ទទួលបន្ទុក អគ្គនាយករដ្ឋបាល និងហិរញ្ញវត្ថុ តំណាងដ៏ខ្ពង់ខ្ពស់ឯកឧត្តម រដ្ឋមន្ត្រី ខៀវ កាញារីទ្ធ និងលោកជំទាវ បាននាំយកអំណោយមាន កុំព្យូទ័រ ចំនួន ៥គ្រឿង ម៉ាសុីនហ្វូតូកូពី ចំនួន ២គ្រឿង ប្រគល់ជូននាយសេនាធិការភូមិភាគ ដោយមានវត្តមាន លោកឧត្តមសេនីយ៍ត្រី ថុល សុធី នាយសេនាធិការភូមិភាគ ២ ខេត្តកំពង់ចាម និងនាយទាហ៊ានក្នុងអង្គភាពជាច្រើនរូប។
ក្នុងឱកាសនោះ ឯកឧត្តម កឹម គុណវឌ្ឍន៍ បានផ្តាំផ្ញើការសួរសុខទុក្ខពីសំណាក់ឯកឧត្តមរដ្ឋមន្ត្រី និងលោកជំទាវ និងប្រសិទ្ធិពរជូនពរ ដល់នាយទាហ៊ាន នាយទាហ៊ានរង ពលទាហ៊ានក្នុងយោធភូមិភាគទី២ និងក្រុមគ្រួសារសូមមានសុខភាពល្អ និងសម្រេចបានភារកិច្ចដ៏ថ្លៃថ្លាក្នុងភារកិច្ចការពារជាតិ៕
