រដ្ឋមន្រ្ដីក្រសួងព័ត៌មាន គាំទ្រគម្រោង”សារព័ត៌មានសន្តិ ភាព ឬប្រព័ន្ធផ្សព្វផ្សាយសន្តិភាព” ឆ្នាំ២០២២ ដល់ ២០២៤ របស់អង្គការក្រុម ការងារ ដើម្បីដោះស្រាយទំនាស់ដែលហៅកាត់ថា (កដទ) ដើម្បីពង្រឹងសមត្ថ ភាពដល់អ្នកសារព័ត៌មាន។
ក្
នុងឱកាសទទួលជួប កញ្ញា ស្រី សុធាវី នាយិកាឣង្គការក្រុមការងារដើម្បីដោះស្រាយទំនាស់និងសហការី ចូលជួបសំដែងការគួរសម និងសុំអនុសាសន៍ក្នុងកិច្ចសហការអនុវត្តគម្រោង “សារព័ត៌មានសន្តិភាព ឬប្រព័ន្ធផ្សព្វផ្សាយសន្តិភាព ឆ្នាំ២០២២-ឆ្នាំ ២០២៤” នាព្រឹកថ្ងៃទី១៩ ខែមករា ឆ្នាំ២០២២ នៅទីស្តីការក្រសួង ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានគាំទ្រចំពោះគម្រោង “សារព័ត៌មានសន្តិភាព ឬប្រព័ន្ធផ្សព្វផ្សាយសន្តិភាព” ឆ្នាំ២០២២ ដល់២០២៤ របស់អង្គការក្រុមការងារ ដើម្បីដោះស្រាយទំនាស់ដែលហៅកាត់ថា (កដទ) ដើម្បីជាចំណេះដឹងបន្ថែមសម្រាប់អ្នកសារព័ត៌មាន។
កញ្ញា ស្រី សុធាវី នាយិកាឣង្គការក្រុមការងារដើម្បីដោះ ស្រាយទំនាស់ បានមាន ប្រសាសន៍ថា អង្គការក្រុម ការងារដើម្បីដោះស្រាយទំនាស់ (កដទ) ជាអង្គការមិនមែនរដ្ឋាភិបាលក្នុងស្រុក ដែលធ្វើការងារលើការអភិវឌ្ឍ និងពង្រឹងសមត្ថភាពស្តីអំពីការកសាងសន្តិភាព និងការបំប្លែងទំនាស់។ កញ្ញា បន្ដថា កដទ មានសកម្មភាពដូចកាលគម្រោងឆ្នាំ ២០១៩- ២០២១ ដែរ ដោយឡែកសម្រាប់គម្រោងថ្មីនេះ បន្តអនុវត្តនៅខេត្តគោលដៅដូចជា ៖ ភ្នំពេញ កំពង់ឆ្នាំង បាត់ដំបង សៀមរាប មណ្ឌល គិរី កែប និងព្រះសីហនុ ដោយទទួលបានការគាំទ្រថវិកាពីអង្គការ នំប៉័ងពិភព លោក(BfdW) ។ កញ្ញា បន្ដទៀតថា ឣង្គការមានគម្រោងសារព័ត៌មានសន្តិភាព នឹងជ្រើសអ្នកចូលរួមពីមន្ត្រីមន្ទីរព័ត៌មាន អ្នកសារព័ត៌មានប្រជាពលរដ្ឋ TV online និងសហគមន៍ក្នុងខេត្តគោលដៅ ដើម្បីឱ្យអ្នកសារព័ត៌មានដែលសកម្មនៅក្នុងប្រព័ន្ធផ្សព្វ ផ្សាយ បានយល់ពីការប្រើប្រាស់សារ នៅក្នុងសង្គម ដែលជាការចូលរួមចំណែកនៅក្នុងការកសាងសន្តិភាពកាត់បន្ថយនូវហិង្សា និងកាត់បន្ថយការប្រើប្រាស់ហិង្សាជាពាក្យសំដី តាមប្រព័ន្ធផ្សព្វផ្សាយ។
«ពាក់ព័ន្ធទៅនឹងការបណ្ដុះបណ្ដាលពង្រឹងសមត្ថ ភាពដល់អ្នកសារព័ត៌មាននៅក្នុងការយល់ដឹងពីវិស័យការកសាងសន្តិភាពបញ្ជ្រាបចូលទៅក្នុងសារដែលគាត់បានធ្វើកិច្ចការងារប្រចាំថ្ងៃ ក៏ដូចជាគិតគូរទៅក្នុងការលើកកម្ពស់សារព័ត៌មានសន្តិភាព ជៀសឆ្ងាយពីសារព័ត៌មានបែបហិង្សានៅក្នុងការប្រើប្រាស់នៅក្នុងបណ្ដាញសង្គម ក្នុងសង្គមប្រទេសជាតិយើង ដើម្បីពិនិត្យមើលទៅលើអត្ថបទផ្សេងៗដែលគាត់ចុះផ្សាយហើយធ្វើការឆ្លុះបញ្ចាំងទៅលើអ្វីដែលគាត់បានអនុវត្តសម្រាប់ការកែលម្អទៅលើប្រព័ន្ធផ្សព្វផ្សាយរបស់គាត់»។
បញ្ជាក់ថា វគ្គបណ្ដុះ បណ្ដាលដើម្បីពង្រឹងសមត្ថ ភាពនេះ មានរយៈពេល ៣ ថ្ងៃទៅមួយអាទិត្យ ការជួបជុំមាន ទស្សនកិច្ច ការធ្វើសិក្ខាសា លា វេទិកាផ្សេងៗទៀត ដើម្បីជាការពិនិត្យតាមដាន វាយ តម្លៃ ឱ្យប្រព័ន្ធផ្សព្វផ្សាយទាំងសហគមន៍ និងអ្នកសារព័ត៌ មានដែលសកម្មនៅក្នុងប្រព័ន្ធផ្សព្វផ្សាយសង្គម អាចសរ សេរអត្ថបទព័ត៌មានបានត្រឹមត្រួវ រួមចំណែកនៅក្នុងការកសាងសន្តិភាពសហគមន៍ កាត់បន្ថយនូវហិង្សា ក្នុងការ ប្រើប្រាស់ហិង្សាជាពាក្យសំដី ឬក៏ជាអ្វីតាមប្រព័ន្ធផ្សព្វផ្សាយ ៕
