អគ្គីភ័យលេបត្របាក់ផ្ទះអស់ 3 ខ្នងដោយសារការឆ្លងចរន្តអគ្គិសនី!
កោះកុង (នៅថ្ងៃទី១២ ខែមករា ឆ្នាំ២០២២)
គ្រោះអគ្គីភ័យមួយបានកើតឡើងកាលពីវេលាម៉ោង ១១:៣០នាទី នៅចំនុចមាត់ទឹកស្មាច់ង៉ាមស្ថិតនៅភូមិ១ សង្កាត់ស្មាច់មានជ័យ ក្រុងខេមរៈភូមិន្ទខេត្តកោះកុង។
នៅក្នុងឧប្បត្ដិហេតុគ្រោះអគ្គិភ័យដែលបានកើតឡើងនេះកម្លាំងប៉ុស្តិ៍នគរបាលរដ្ឋបាលស្មាច់មានជ័យសបានរួមសសហការជាមួយកម្លាំងអគ្គិភ័យខេត្តនិងអាជ្ញាធរភូមិសង្កាត់ បានពន្លត់និងទប់ស្កាត់ការរាលដាលទាន់ពេលវេលា ។
ហើយនៅក្នុងករណីគ្រោះអគ្គីភ័យនេះបានធ្វើអោយមានការខូចខាតសម្ភារៈក្នុងផ្ទះមួយចំនួនរួមមានះ
-ផ្ទះទី១ ទំហំទទឹង៤.៨ម៉ែត្រ×បណ្តោយ១៦ម៉ែត្រ ធ្វើអំពីឈើប្រក់សុីប្រូ ធ្វើអោយខូចខាតផ្ទះផ្នែកខាងក្រោយ(ផ្ទះបាយ) និងអីវ៉ាន់លក់ដូរចាប់ហ៊ួយមួយចំនួនដែលជា កម្មសិទ្ធិរបស់ឈ្មោះ សុខ សារឿន ភេទប្រុស អាយុ៥៥ឆ្នាំ មុខរបរអាវុធហត្ថខេត្ត និងប្រពន្ធឈ្មោះ ចាន់ បុប្ជា ភេទស្រី អាយុ៣១ឆ្នាំ ទីលំនៅបច្ចុប្បន្នភូមិ១ សង្កាត់ស្មាច់មានជ័យ។
-ផ្ទះទី២ ទំហំ៥ម៉ែត្រ×បណ្តោយ១៦ម៉ែត្រ ធ្វើអំពីឈើប្រក់ស័ង្កសី ធ្វើឲ្យខូចខាតអស់ស័ង្កសី២០សន្លឹក កម្មសិទ្ធិរបស់ឈ្មោះ គា យ៉ាង ភេទប្រុស អាយុ៥៦ឆ្នាំ មុខរបរនេសាទ ទីលំនៅបច្ចុប្បន្នភូមិ១ សង្កាត់ស្មាច់មានជ័យ
– ផ្ទះទី៣ ទំហំ៦ម៉ែត្រ×បណ្តោយ១៤ម៉ែត្រ ធ្វើអំពីឈើប្រក់ស័ង្កសី ធ្វើឱ្យខូចខាតស័ង្កសី៣៣សន្លឹក អស់ជញ្ជាំងមួយចំហៀង និងសម្ភារៈមួយចំនួន កម្មសិទ្ធិរបស់ឈ្មោះស៊ុំ ឆាយ ភេទប្រុស អាយុ៥០ឆ្នាំ មុខរបរនេសាទ ទីលំនៅបច្ចុប្បន្នភូមិ ១ សង្កាត់ស្មាច់មានជ័យ ។
*មូលហេតុដែលបណ្តោលអោយមានអគ្គីភ័យកើតឡើងដោយសារផ្ទុះសេរចរន្តអគ្គិសនី
*បានប្រើប្រាស់រថយន្តពន្លត់អគ្គីភ័យរបស់ស្នងការដ្ឋាននគរបាលខេត្តកោះកុងអស់ចំនួន០២គ្រឿង ក៏ប៉ុន្តែពុំអាចបានបណ្ដាលឲ្យមានមនុស្សគ្រោះថ្នាក់ដល់អាយុជីវិតនោះទេ។
