នៅរសៀលថ្ងៃសុក្រ ៥ កើតខែបុស្សឆ្នាំឆ្លូវត្រីស័កពុទ្ធសករាជ ២៥៦៥ ត្រូវនឹងថ្ងៃទី ៧ ខែមករាឆ្នាំ ២០២២យុវជនស្ម័គ្រចិត្តក្រុមនាគស ដែលមានលោក អ៊ុន វីរៈជាប្រធាន បានរៀបចំកម្មវីធីប្រកួតបាល់ទាត់ វគ្គផ្តាច់ព្រ័ត្រការប្រកួតបាល់ទាត់មិត្តភាពស្ថិតនៅសាលាអនុវិទ្យាល័យច័ន្ទសារុនសម្ពោធិញ្ញាណ ឃុំត្រពាំងសាប ស្រុកបាទីខេត្តតាកែវ។
កម្មវិធីប្រកួតនឹងប្រគល់ពានរង្វាន់ជ័យលាភីបាល់ទាត់ពានរង្វាន់
ដឹកនាំដោយ ឯកឧត្តម សួង ចាន់ថន មេធាវីរាជរដ្ឋាភិបាល និងឧកញ៉ា គង់ ចាន់ ដេត ក្រោមប្រធានបទ កីឡាផ្សារភ្ជាប់មិត្តភាព និង ស្នាមញញឹម យុវវ័យចៀសអោយឆ្ងាយពីគ្រឿងញៀន
គោលបំណង នៃការបង្កើតការប្រកួតបាល់ទាត់ពានរង្វាន់ ឯកឧត្តម សួង ចាន់ថន ឧកញ៉ា គង់ ចាន់ដេត បានរំលឹកឃើញថាយុវជនសព្វថ្ងៃ មានការគាំទ្រលើវិស័យកីឡាបាល់ទាត់ ក៏ដូចជាការបំផុសស្មារតី និងជំរុញដល់យុវជនអោយចូលចិត្តលេងកីឡា ដើម្បីសុខភាព មានស្មារតីល្អ ខិតខំប្រឹងប្រែងរៀនសូត្រ ជាពិសេសចៀសអោយឆ្ងាយពីគ្រឿងញៀនផងដែរ។
ឯកឧត្តម សួង ចាន់ថន ប្រគល់ពានរង្វាន់ជ័យលាភីជើងឯក លេខ១
ទទួលបានទឹកប្រាក់ ៨០០០០០៛ ពានរង្វាន់១ បាល់ ៣ គ្រាប់
លោក អ៊ូ សុខជា ប្រគល់ពានរង្វាន់ជ័យលាភីដល់ក្រុម លេខ២
ជ័យលាភីលេខ ២ ទទួលបានទឹកប្រាក់ ៥០០០០០៛ មេដៃមាស ១បាល់២គ្រាប់
លោកឧកញ៉ា គង់ ចាន់ដេតប្រគល់ពានរង្វាន់ជ័យលាភីដល់ក្រុមលេខ ៣
ទទួលបានទឹកប្រាក់៣០០០០០៛ មេដៃប្រាក់១ បាល់២គ្រាប់
លោក អ៊ុន វិរៈ ប្រគល់ពានរង្វាន់លួងចិត្តដល់ក្រុមអនុវិទ្យាល័យចន្ទ័សារុន
ទទួលបានទឹកប្រាក់១០០០០០៛.បាល់.១គ្រាប់។
ឯកឧត្តមសួនចាន់ថន និងឧកញ៉ាគង់ ចាន់ដេត បានឧបត្ថម្ភដល់កីឡាករបាល់ទាត់៦ក្រុមបន្ថែមទៀតក្នុងមួយក្រុមទទួលបានប្រាក់ឧបត្ថម្ភ១០០០០០០៛
ក្រុមមិត្តភាពយុវនារីមាន២ក្រុម ក្នុង១ក្រុមឧបត្ថម្ភ ៨០០០០០៛
បន្ថែមពីនេះទៀត ឯកឧត្តម សួង ចាន់ថន លោក អ៊ូ សុខជា លោក ភួន ឈីម អភិបាលនៃគណៈអភិបាលស្រុកបាទីនិងឧកញ៉ា គង់ ចាន់ដេតក៏ចង់ផ្ញើសារដល់យុវជនដែលជាទំពាំងស្នងឬស្សីខិតខំសិក្សារៀនសូត្រ ជៀសផុតឲ្យឆ្ងាយពីគ្រឿងញៀន ទំនេរពីការសិក្សាឆ្លៀតពេលលេងកីឡាដើម្បីសុខភាព និងសូមបន្តអនុវត្តនូវវិធានការសុខាភិបាល ក៏ដូចជាប្រមុខរាជរដ្ឋាភិបាល គឺ៣កុំ និង៣ការពារ ដើម្បីការពារទប់ស្កាត់
នូវជំងឺកូវីដ១៩៕
