លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនង ជាមួយរដ្ឋសភា-ព្រឺទ្ធសភា និងអធិការកិច្ចបានថ្លែងអំណរគុណដល់ក្រុមការងារគ្រូពេទ្យស្ម័គ្រ ចិត្ត ឯកឧត្តម ហ៊ុន ម៉ានី ដែលបានចូលរួមយ៉ាងសកម្មក្នុងការបំពេញបេកកម្មមនុស្សធម៌ តាម រយៈ ការពិនិត្យព្យាបាល ដោយឥតគិតថ្លៃ និងការចូលរួមក្នុងយុទ្ធនាការចាក់វ៉ាក់សាំងជូន ប្រជា ពលរដ្ឋនៅទូទាំងប្រទេស។ ការលើកឡើងនេះ ក្នុងឱកាសអនុញ្ញាតិឱ្យ ឯកឧត្តម លេង ផាលី រដ្ឋលេខាធិ ការ ក្រសួងផែនការ និងជាប្រធានប្រតិបត្តិក្រុមការងារគ្រូពេទ្យស្ម័គ្រចិត្ត ឯកឧត្ដម ហ៊ុន ម៉ានី និងក្រុមការងារសរុប ចំនួន២២ នាក់ ចូលជួបសម្តែងការគួរសម និងជូនពរក្នុង ឱកាស ចូល ឆ្នាំថ្មី ឆ្នាំសកល២០២២ កាលពីរសៀលថ្ងៃទី០១ ខែមករា ឆ្នាំ២០២២។
ឯកឧត្ដម លេង ផាលី បានលើកឡើងអំពីវឌ្ឍនភាពរបស់ក្រុមគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ដោយគិតមកដល់ពេលនេះ គឺមានរយៈពេល ៩ឆ្នាំ ក្រោមការដឹកនាំ ចង្អុល បង្ហាញដោយផ្ទាល់ និងការឧបត្ថម្ភគាំទ្រទាំងស្មារតី និងសម្ភារពីសំណាក់ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ក្រុមការងារគ្រូពេទ្យស្ម័គ្រចិត្ត ឯកឧត្ដម ហ៊ុន ម៉ានី ដោយបានពិនិត្យ និងព្យាបាលជំងឺជូនប្រជាពលរដ្ឋបានចំនួន ៣៤០ លើក។
ដោយមាន គ្រូពេទ្យស្ម័គ្រចិត្តចូលរួមចំនួន ៥ ៦៧៩ នាក់ (ស្រី ៣ ២៣១ នាក់) បានពិនិត្យ និងព្យាបាល ព្រមទាំង ចែកថ្នាំដោយឥតគិតថ្លៃជូនប្រជាពលរដ្ឋបានចំនួន ១ ៤៨១ ១៣៦នាក់ (ស្រី ៨៤៤ ៥៧៦ នាក់) ក្នុង ២៥ រាជធានី-ខេត្ត។ ឯកឧត្ដមបានបន្ដថា ក្រុមគ្រូពេទ្យស្ម័គ្រចិត្ដក៏បានចូលរួម អប់រំផ្សព្វផ្សាយសង្គ្រោះបឋម ចាក់វ៉ាក់សាំងបង្កាកូវីដ-១៩ ព្រមទាំងពិនិត្យ និងព្យាបាលជំងឺ ចែកថ្នាំជូនប្រជាពលរដ្ឋដោយឥតថ្លៃបានចំនួន ៧៣លើក ក្នុងនោះពិនិត្យនិងព្យាបាលចែក ថ្នាំដោយឥតគិតថ្លៃជូនប្រជាពលរដ្ឋ បានចំនួន ៩៤០ ៣០១ នាក់ (ស្រី ៤៨០ ៩៤០ នាក់) ក្នុង ២៥ រាជធានី-ខេត្ត ។ ឯកឧត្ដមបានបន្ថែមថា នៅក្នុងរយៈពេលចុងក្រោយនេះ ក្រោមការដឹក នាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រ កម្ពុជា និងក្រោមការដឹកនាំសម្របសម្រួលដោយផ្ទាល់ពីឯកឧត្ដមប្រធាន ហ៊ុន ម៉ានី ក្រុម ការងារគ្រូពេទ្យស្មគ្រ័ចិត្ត ឯកឧត្តម ហ៊ុន ម៉ានី បានប្រើប្រាស់បុគ្គលិកអស់ចំនួន ១ ០៧២ នាក់ នៅលើចំនួន ១ ២៥៨ នាក់ ចូលរួមក្នុងយុទ្ធនាការចាក់វ៉ាក់ សាំងបង្ការជំងឺកូវីដ-១៩ ដោយចាក់ ជូនប្រជាពលរដ្ឋបានប្រមាណ ៩៣៣ ១៤១ ដូស ក្នុង០៨ រាជ ធានី-ខេត្ត។
លោកជំទាវកិត្តិសង្គហបណ្ឌិត ម៉ែន សំអន ក៏បានអំណរគុណដល់ ឯកឧត្ដម ហ៊ុន ម៉ានី ក៏ដូចជាថ្នាក់ដឹកនាំគ្រប់លំដាប់ថ្នាក់ របស់ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ដែលបានចូលរួមយ៉ាងសកម្មក្នុងការបំពេញបេកកម្ម មនុស្សធម៌ តាមរយៈ ការពិនិត្យព្យាបាល ដោយឥតគិតថ្លៃ និងការចូលរួមក្នុងយុទ្ធនាការចាក់វ៉ាក់សាំង។ លោកជំទាវបានស្នើឱ្យ ក្រុម គ្រូពេទ្យទាំងអស់សូមបន្តនូវសកម្មភាពនេះបន្ថែមទៀត ជួយដល់ប្រជាពលរដ្ឋក្រក្រី ពិសេស អ្នករស់នៅតំបន់ដាច់ស្រយាល ដើម្បីចូលរួមចំណែកជាមួយរាជរដ្ឋាភិបាលក្នុង ការថែទាំ នូវ សុខុមាលភាពរបស់ប្រជាពលរដ្ឋនៅទូទាំងប្រទេស
៕
