រដ្ឋបាលខេត្តកំពង់ឆ្នាំង ទទួលអង្ករពីសប្បុរសជន សម្រាប់ជួយដល់ជនងាយរងគ្រោះ និងចូលរួមក្នុងការទប់ស្កាត់ការឆ្លងរាលដានៃជំងឺកូវីដ-១៩

សប្បុរសជនមកពីក្រុមហ៊ុនមេធាវី វ័ន អេស៊ា ជួយដល់ប្រជាពលរដ្ឋងាយរងគ្រោះនៅក្នុងខេត្តកំពង់ឆ្នាំង និងដើម្បីចូលរួមក្នុងយុទ្ធនាការចូលរួមទប់ស្កាត់ការឆ្លងរាលដាលនៃជំងឺកូវីដ-១៩ នាថ្ងៃទី១៥ ខែកក្កដា ឆ្នាំ២០២១នេះ បាននាំយកអង្ករ ចំនួន ១០តោន ជូនដល់រដ្ឋបាលខេត្តកំពង់ឆ្នាំង ក្រោមអធិបតីភាព ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង និងលោកជំទាវអភិបាលរងខេត្ត និងម្ចាស់ក្រុមហ៊ុន និងសហការី។

ឯកឧត្តម ស៊ុន សុវណ្ណារិទ្ធិ បានសំដែងនូវអំណរគុណយ៉ាងជ្រាលជ្រៅចំពោះលោក លោកស្រី ដែលបានចំណាយនូវធនធានដើម្បីចូលរួមជាមួយរាជរដ្ឋាភិបាល ក៏ដូចជារដ្ឋបាលខេត្ត ក្នុងពេលដែលកំពុងជួបកាលំបាកក្នុងអំឡុងពេលជំងឺកូវីដ-១៩រីករាលដាលនេះ។ ឯកឧត្តមបានមានប្រសាសន៍បន្តថា: អំណោយទាំងអស់ដែលទទួលបានពីសប្បុរសជនត្រូវបានបែងចែក និងយកទៅប្រើប្រាស់ឱ្យចំគោលដៅគ្រប់មណ្ឌលចត្តាឡីស័ក នីមួយៗក្នុងខេត្ត ដើម្បីចូលរួមទប់ស្កាត់ការឆ្លងរីករាលដាលនៃជំងឺកូវីដ-១៩ ៕