ខេត្តព្រៃវែង ៖ នាថ្ងៃទី២៥ – ២៦ ខែឧសភា ឆ្នាំ២០២១នេះ សាខាកាកបាទក្រហមកម្ពុជាខេត្តព្រៃវែង ដឹកនាំដោយឯកឧត្តម ជា សុមេធី ប្រធានគណៈកម្មាធិការសាខាខេត្តព្រៃវែង បានទទួលថវិកាវិភាគទាន ពីសប្បុរសជន មានមន្ទីរ អង្គភាពជុំវិញខេត្ត លោក លោកស្រី ប្រធានអនុសាខា ក្រុង ស្រុក ទាំង១៣ សភាពាណិជ្ជកម្ម ខេត្ត សាខាគយ គណៈកិតិ្តយស ក្នុងជួអភិបាលរងខេត្ត សកលវិទ្យាធិការ សកលវិទ្យាល័យជា ស៊ីម កំចាយមារ ព្រមទាំង គ្រឹះស្ថានឯកជន និងសប្បុរសជន នានា នៃខេត្តព្រៃវែង ដើម្បីរួមចំណែកក្នុងការងារមនុស្សធម៍ ជាមួយសាខាកាកបាទក្រហមកម្ពុជាខេត្ត ។
ក្នុងនោះដែរ ឯកឧត្តម ជា សុមេធី អភិបាលខេត្តព្រៃវែង និងជាប្រធានគណៈកម្មាធិការសាខាខេត្ត និងលោកជំទាវ ជា ផល្គុន អនុប្រធានកិត្តិយសសាខាខេត្ត ព្រមទាំងបុត្រ បានចូលរួមថវិកាវិភាគទានចំនួន ១០,០០០ដុល្លារ។ ថ្លែងនៅក្នុងឱកាសនោះដែរ ឯកឧត្តម ជា សុមេធី សូមថ្លែងអំណរគុណយ៉ាងជ្រាលជ្រៅបំផុតចំពោះ មន្ទីរអង្គភាពជុំវិញខេត្ត លោក លោកស្រី ប្រធានគណៈកម្មការអនុសាខា ក្រុង ស្រុក ទាំង១៣ សភាពាណិជ្ជកម្ម ខេត្ត សាខាគយ គណៈកិតិ្តយស ក្នុងជួអភិបាលរងខេត្ត សកលវិទ្យាធិការ សកលវិទ្យាធិការ សកលវិទ្យាល័យជា ស៊ីម កំចាយមារ ព្រមទាំង គ្រឹះស្ថានឯកជន និងសប្បុរសជន នានា នៃខេត្តព្រៃវែង ដែលបានខិតខំកៀងគរប្រមូលថវិកាជួយឧបត្ថម្ភដល់សាខា ដើម្បីចូលរួមអបអរសាទរខួបទី១៥៨ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២១ ក្រោមប្រធានបទ “ទាំងអស់គ្នារួមជាមួយកាកបាទក្រហមកម្ពុជា ប្រយុទ្ធនឹងជំងឺកូវីដ-១៩ និងកសាងភាពធន់របស់សង្គមជាតិ” សាខាកាកបាទក្រហមកម្ពុជា ខេត្តព្រៃវែង និងយកចិត្តទុកដាក់ប្រើប្រាស់វិភាគទានសប្បុរសនេះ ដើម្បីបម្រើសកម្មភាពមនុស្សធម៌ជួយដល់ប្រជាពលរដ្ឋជួបការលំបាកដោយគ្រោះធម្មជាតិ និងគ្រោះមហន្តរាយផ្សេងៗ។ នៅក្នុងឱកាសខួបទី១៥៨ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២១នេះ សាខាកាកបាទក្រហមកម្ពុជា ខេត្តព្រៃវែង សូមអំពាវនាវ សម្តេច ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជន មកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន មេត្តាឧបត្ថម្ភគាំទ្រដោយសទ្ធាជ្រះថ្លា ដល់សាខាកាកបាទក្រហមកម្ពុជា ខេត្តព្រៃវែង ដើម្បីបន្តផ្តល់សេវាកម្មមនុស្សធម៌ប្រយុទ្ធនឹងជំងឺកូវីដ-១៩ និងកសាងភាពធន់របស់សង្គមជាតិ។ សាខាកាកបាទក្រហមកម្ពុជា ខេត្តព្រៃវែង នៅតែបន្តកៀរគរមូលនិធិ និងស្វាគមន៍ចំពោះការចូលរួមវិភាគទាន ថវិកា សម្ភារៈពីសំណាក់ ឯកឧត្តម លោកឧកញ៉ា លោកជំទាវ លោក លោកស្រី ជាសប្បុរសជនទាំងក្នុង និងក្រៅ ខេត្តជាបន្តបន្ទាប់ទៀត។
សូមបញ្ជាក់ផងដែរថា៖ បើគិតចាប់ពីថ្ងៃទី ០១ ខែ មេសា ឆ្នាំ២០២១ ដល់ថ្ងៃទី ២៦ ខែ ឧសភា ឆ្នាំ ២០២១ នេះសាខាបានទទួលថវិកា ពីសប្បុរសជន មន្ទីរ អង្គភាព និងអនុសាខាក្រុង ស្រុករួមមាន៖ -ប្រាក់រៀល ចំនួន 222,155,000.00៛ -ប្រាក់ដុល្លារ ចំនួន 15,155.00$ – សរុបថវិកាគិតជាប្រាក់ដុល្លារ ស្មើនឹង ចំនួន 70,693.75$៕
