ខេត្តមណ្ឌលគីរី ៖ បន្ទាប់ពីថ្នាក់ជាតិបានធ្វើការចុះបង្ក្រាបនៅបទល្មើសធនធានធម្មជាតិបានមួយរយ:តែប៉ុណ្ណោះ ។ នាពេលបច្ចុប្បន្ននេះ បទល្មើសព្រៃឈើកើនហក់ឡើងដូចទឹកជំនន់បាក់ទំនប់។ ដោយរាល់ថ្ងៃ ក្រុមឈ្មួញម្នាក់ៗរីកមុខដូចគ្រាប់ជី និងនិងមន្ត្រីជំនាញបើកភ្លើងខៀវអោយឈ្មួញជាថ្នូរនិងការចំណូលចូលក្នងហោប៉ៅ។ រីឯអាជ្ញាធរមានសមត្ថកិច្ចនឹងមន្ត្រីជំនាយពាក់ព័ន្ធហាក់បីដូចត្រូវថ្នាំបំពុលសត្វ។
យោងតាមប្រភពពីមន្ត្រីអង្គការក្រៅរដ្ឋាភិបាលឃ្លាំមើលបទល្មើសព្រៃឈើក្នុងខេត្តមណ្ឌលគីរីបានបញ្ជាក់ យ៉ាងច្បាស់ថា នៅពេលថ្មីៗនេះមេឈ្មួញប្រកបរបររកស៊ីបទល្មើសព្រៃឈចាស់វស្សាពីររូបក្នុងខេត្តមណ្ឌលគីរីកំពុងក្រៀង គរពលរដ្ឋនិងបក្ខពួក របស់ខ្លួនឲ្យចូលកាប់បំផ្លិចបំផ្លាញព្រៃឈើដោយខុសច្បាប់នៅត្រង់ចំណុច ភ្នំ ព្រិច ក្នុងភូមិ ម្ពៅ ស្រុក កោះ ញ៉ែ ក និងស្រុកពេជ្រាដាក្នុងជម្រកដែនអភិរក្សសត្វព្រៃ យ៉ាងរលូនមិនមានការរំខានពីមន្ត្រីជំនាញណាម្នាក់ឡើយ។
ប្រជាពលរដ្ឋបានរិះគន់ចំៗទៅលើសមត្ថកិច្ចពាក់ពន្ធ័ក្នុងខេត្តមណ្ឌលគីរីជាអ្នកនៅពីក្រោយខ្នងមេឈ្មួញឈើ ឈ្មោះ( រិទ្ធិ )និង ឈ្មោះ ( ភារម្យ )ទើបដឹកជញ្ជូនបទល្មេីសផលអនុផលព្រៃឈើដែលជាបទល្មើសសេដ្ឋកិច្ចធនធានធម្មជាតិដ៏សំខាន់ ។ ដោយឈ្មួញគេធ្វើសកម្មដឹកតាមប្រភេទរថយន្តប៉ែនធំៗ និងរថយន្តធុនដ្ដ្រាដោយគេដឹកចេញពីស្រុកកោះញ៉ែកនិងស្រុកពេជ្រាឆ្លងដែនទៅលក់ប្រទេសវៀតណាមតាមច្រកទ្វារអន្តរជាតិដាក់ដាំជារាល់យប់ថ្ងៃ ដោយគេដាក់ការសន្និដ្ឋានថា ត្រូវដងត្រូវផ្លែជាមួយឈ្មួញឈើទាំងពីររូបនេះមានទំនាក់ទំនងជិតស្និទ្ធ ជាមួយមន្ត្រីរដ្ឋបាលព្រៃឈើនិងសមត្ថកិច្ច ពាក់ព័ន្ធជាពិសេសប្រធានច្រកដាក់ដាំតែម្តងបើពុំដូច្នោះទេគឺមិនអាចឆ្លងដែនសមត្ថកិច្ចក្នុងមូលដ្ឋានទៅលក់នៅប្រទេសវៀតណាមបានឡើយ។ ដែលមានលោកយូ សុធា នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិដាក់ដាំជាអ្នកមានសិទ្ធិអំណាចខ្លាំងជាងគេក្នុងការបើកដៃឲ្យឈ្មួញឈ្មោះរិទ្ធនិងឈ្មោះ ភារម្យ ព្រមទាំងឈ្មួញដទៃទៀតដឹកជញ្ជូនឈើប្រណីតខុសច្បាប់ទៅលក់ប្រទេសវៀតណាមទាំងយប់ទាំងថ្ងៃដោយសេរី។
ប្រភពមួយទៀតបានបង្ហើបឲ្យដឹងថា មេឈ្មួញឈើឈ្មោះរិទ្ធិនិងឈ្មោះភារម្យ ហ៊ានធ្វើអ្វីៗតាមទំនេីងចិត្តគឺដោយសារអាងមានលោកឡោសុខាស្នងការដ្ឋាននគរបាលខេត្តមណ្ឌលគិរីជាខ្នងបង្អែកដ៏រឹងមាំក្នុងខណៈពេលដែលលោក ហែមបូណារ៉ែល មេបញ្ជាការកងរាជអាវុធហត្ថខេត្តមណ្ឌលគិរីរក្សាភាពស្ងៀមស្ងាត់ ។
បញ្ហានេះ លោក ថង សាវុន អភិបាលនៃគណអភិបាលខេត្ត មណ្ឌលគីរី និងលោក ឡោ សុខា ស្នងការដ្ឋាននគរបាលខេត្តមណ្ឌលគិរីគួរពិនិត្យឡើងវិញខ្លះផងទានចំពោះភាពមិនប្រក្រតីរបស់លោក យូ សុធា នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិដាក់ដាំ ជាអ្នកបើកបារ៉ាស់ឲ្យក្រុមឈ្មួញដឹកជញ្ជូនផលអនុផលព្រៃឈើដោយគ្មានច្បាប់អនុញ្ញាតឈ្មោះ រិទ្ធិ និង ឈ្មោះ ភារម្យ ដឹកទៅស្រុក យួនយ៉ាងគំុហុកមិនចាត់វវិវិធានកាបង្ក្រាបបើដូច្នេះពពលរដ្ឋនិងចោទថាឆ្នាំងណាគ្របនិង។
មហាជននិងប្រជាពលរដ្ឋរស់នៅចំណុចភ្នំព្រិចភូមិម្ពៅស្រុកកោះញ៉ែកអំពាវនាវដល់ឯកឧត្តមនាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេសនិងជាគណៈកម្មការថ្នាក់ជាតិដើម្បីទប់ស្កាត់និងបង្ក្រាបបទល្មើសធនធានធម្មជាតិដាក់ការស៊ើបអង្កេតស្រាវជ្រាវឲ្យបានស៊ីជម្រៅចំពោះក្រុមឈ្មួញដឹកជញ្ជូនឈើទៅស្រុកយួនតាមច្រកទ្វារអន្តរជាតិដាក់ដាំ។
អង្គភាពយើងខ្ញុំរងចាំការបំភ្លឺពីសាមីពាក់ព័ន្ធរៀងរាល់ម៉ោងធ្វើការ ។
ចេញផ្សាយថ្ងៃទី១៩ខែកក្កដាឆ្នាំ២022 ៕
