លោក ម៉ក់ រដ្ឋា ស្នើសុំដល់លោក អាយ សុភីរិទ្ធិ និង លោក ភូថង សេរីវឌ្ឍី សូមជួយចុះពិនិត្យទីតាំងដីដែលស្ថិតនៅក្រោយវត្តបាងកាយ៉ាកត្រូវបានជនខិលខូចកាប់ទន្ទ្រានព្រៃកោងកាងជាប់មាត់ព្រែក និងបោះបង្គោលរំលោភយកផ្លូវរបស់រដ្ឋ..

(កោះកុង) លោក ម៉ក់ រដ្ឋា ដែលមានឈ្មោះក្នុងចំណោមប្រជាពលរដ្ឋ 140គ្រួសារប្រាប់សារព័ត៌មានយើងថា! លោកមានលិខិតកាន់កាប់ដីចំនួន2 1មានទំហំ ទទឹង20ម៉ែត្រ គុណបណ្ដោយ100ម៉ែត្រ 2 ទំហំ ទទឹង100ម៉ែត្រ គុណនិងបណ្ដោយ 270ម៉ែត្រ អាស្រ័យផលដីនៅភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទខេត្តកោះកុង ស្នើសុំដល់ លោក អាយ សុភីរិទ្ធិ ភូមិបាលក្រុង លោក ភូថង សេរីវឌ្ឌី អភិបាលក្រុង និងលោកជំទាវ មិថុនា ភូថង អភិបាលនៃគណៈអភិបាលខេត្តកោះកុង មេត្តាសូមចាត់មន្ត្រីជំនាញពាក់ព័ន្ធទាំងអស់ជួយចុះពិនិត្យទីតាំងដីដែលស្ថិតនៅក្រោយវត្តបាងកាយ៉ាកភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ មាន បុគ្គលមានលុយ មានអំណាច បានលួចកាប់ទន្ទ្រានព្រៃកោងកាងនៅជាប់ដីរបស់គាត់រហូតដល់មាត់ព្រែក និងបោះបង្គោលយកផ្លូវ ដែលជាផ្លូវសម្រាប់ប្រជាពលរដ្ឋ អាស្រ័យផល។
សូមបញ្ជាក់ ការកាប់ទន្ទ្រានព្រៃនៅចំណុចនេះផងដែរ គាត់បានដាក់ពាក្យបណ្តឹងទៅលោក កាយ ក្រុង ចៅសង្កាត់ស្ទឹងវែងសូមឲលោកដោះស្រាយអស់រយះពេលបីឆ្នាំមកហើយ តែលោកចៅសង្កាត់ថា!ការងារច្រើនមិនបានដោះស្រាយ មកដល់ឥឡូវនេះ ទើបបណ្ដោយឲជនខិលខូចបោះបង្គោលថ្មរំលោភយកផ្លូវរដ្ឋបន្តទៀត ប្រជាពលរដ្ឋដែលអាស្រ័យផលផ្លូវនេះ សង្ឃឹមនិងទុកចិត្ដដល់លោកជំទាវ មិថុនា ភូថង អភិបាលនៃគណៈអភិបាលខេត្ត មេត្តាជួយដោះស្រាយជូនផងទាន។