រាជធានីភ្នំពេញ ៖ នាយប់ថ្ងៃពុធ ០៦រោច ខែអស្សុជ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៧ ខែតុលា ឆ្នាំ២០២១នេះ កម្លាំងអាវុធហត្ថភ្នំពេញ ដឹកនាំបញ្ជាផ្ទាល់ដោយ ឧត្តមសេនីយ៍ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ និងជាមេបញ្ជាការរងកងរាជអាវុធហត្ថលើផ្ទៃប្រទេស នៅតែបន្តចេញឈរជើងគោលដៅ ចំណុចមុខផ្សារព្រែកជ្រៃ សង្កាត់ស្ពានថ្ម ខណ្ឌដង្កោ រាជធានីភ្នំពេញ ដើម្បីត្រៀមចូលរួមសង្គ្រោះពលរដ្ឋឱ្យទាន់ពេលវេលា។
ជាមួយគ្នាផងដែរ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ ក៏បានចុះដល់គោលដៅទាំងយប់ ដើម្បីពិនិត្យស្ថានភាពទឹក ព្រមទាំងជួបសំណេះសំណាល ជាមួយកម្លាំងកងរាជអាវុធហត្ថរាជធានីភ្នំពេញ និងកម្លាំងរបស់បញ្ជាការដ្ឋាន កងទ័ពជើងទឹក ដែលកំពុងត្រៀមប្រតិបត្តិការសង្រ្គោះ និងជម្លៀសពលរដ្ឋរងគ្រោះ ព្រោះជំនន់ទឹកភ្លៀងនៅតាមសណ្តស្ទឹងព្រែកត្នោត ចំណុចមុខផ្សារព្រែកជ្រៃ សង្កាត់ស្ពានថ្ម ខណ្ឌដង្កោ រាជធានីភ្នំពេញ៕
