ខេត្តកំពត ៖ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិក្រសួងសុខាភិបាល និងជាប្រធានគណៈកម្មាការចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស បន្តនាំយករង្វាន់លើកទឹកចិត្តរបស់សម្តេចតេជោ ហ៊ុន សែន ជូនដល់លោកយាយ លោកតា អាយុចាប់ពី១០០ឆ្នាំឡើង ចំនួន០៤នាក់បន្ថែមទៀត ដែលស្ម័គ្រចិត្តចាក់វ៉ាក់សាំងកូវីដ-១៩ នៅខេត្តកំពត ដោយក្នុងម្នាក់ៗទទួលបានថវិកាចំនួន ៣លានរៀល និងគ្រឿងឧបភោគបរិភោគមួយចំនួន នាព្រឹកថ្ងៃទី២១ ខែតុលា ឆ្នាំ២០២១។
