លោកវរសេនីយ៍ឯក យី វណ្ណដា អធិការនគរបាលក្រុងតាខ្មៅ ប្រជុំពង្រឹងសន្តិសុខ ក្នុងក្រុងខ្មៅនៃសង្កាត់ទាំង១០ និងជម្រុញឲ្យកម្លាំងទាំងអស់ត្រូវតែយកចិត្តទុកដាក់ការពារសន្តិសុខ សណ្តាប់ធ្នាប់សាធារណៈ និង សុវត្ថិភាពសង្គម ជូនប្រជាពលរដ្ឋ ដោយមិនរើសអើង

កណ្ដាល៖ លោកវរសេនីយ៍ឯក យី វណ្ណដា អធិការ នៃអធិការដ្ឋាននគរបាលក្រុងតាខ្មៅ ខេត្តកណ្តាល នៅព្រឹកថ្ងៃចន្ទទី១១ ខែតុលា ឆ្នាំ២០២១បានអញ្ជើញដឹកនាំកិច្ចប្រជុំប្រចាំខែកញ្ញា ឆ្នាំ២០២១ និងលើកទិសដៅអនុវត្តក្នុងខែតុលា ឆ្នាំ២០២១។
ក្នុងកិច្ចប្រជុំនេះក៏មានការចូលរួមពីលោក លោកស្រី អធិការរង លោក លោកស្រី នាយ នាយរងផ្នែក លោកនាយប៉ុស្តិ នាយរងប៉ុស្តិ៍ទាំង ១០ សង្កាត់ផងដែរ។

នាពេលនោះដែរ លោក អធិការ បានចង្អុលបង្ហាញដល់កម្លាំងផ្នែកជំនាញ និងតាមបណ្ដាប៉ុស្ដិ៍ទាំងអស់ត្រូវយកចិត្តទុកដាក់ពង្រឹងលើការងារល្បាតពួនស្ទាក់ បង្ការបង្រ្កាបបទល្មើស លួច ឆក់ ប្លន់ ដែលងាយនឹងកើតមានក្នុងភូមិសាស្រ្ត បន្ថែមលើសពីនេះលោកអធិការក៏បានណែនាំឲ្យកងកម្លាំងទាំងអស់ត្រូវចូលរួមការពារថែរក្សាអនាម័យរៀងៗខ្លួន «៣កុំ ៣ការពារ» ដោយពាក់ម៉ាស លាងដៃជាមួយអាកុល ឬជែល ដើម្បីចូលរួមទប់ស្កាត់ការរីករាលដាលនៃជំងឺកូវីដ-១៩ តាមការណែនាំរបស់ក្រសួងសុខាភិបាល។

ជាមួយគ្នានោះលោកអធិការក្រុងតាខ្មៅបានសង្កត់ធ្ងន់ៗថា៖កម្លាំងទាំងអស់ ត្រូវតែយកចិត្តទុកដាក់ការពារសន្តិសុខ សណ្តាប់ធ្នាប់សាធារណៈ និង សុវត្ថិភាពសង្គម ជូនប្រជាពលរដ្ឋ ជាពិសេស ត្រូវផ្តល់ភាពកក់ក្តៅ និងបម្រើប្រជាពលរដ្ឋយើងឱ្យអស់ពីសម្ថតភាពមិនថាយប់ឬថ្ងៃ និងមិនត្រូវរើសអើងព្រមទាំងដាក់វេនអ្នកប្រចាំការនៅប៉ុស្តិអោយបានគ្រប់ពេល៕