រដ្ឋបាលក្រុងកំពង់ឆ្នាំងនិងសមត្ថ កិច្ចអំពាវនាវដល់ប្រជាពលរដ្ឋម្ចាស់គោលែងគោជាង២០ក្បាលចោល អោយដើរស៊ីស្មៅអាណាធិបតេយ្យមកទទួលយកគោខ្លួនទៅគ្រប់គ្រងវិញ..
កំពង់ឆ្នាំង សត្វគោចំនួនជាង២០ ក្បាលត្រូវបានសមត្ថកិច្ចនគរបាលចរាចរណ៍ក្រុងកំពង់ឆ្នាំងចាប់ទុកក្នុងក្រោលមួយកន្លែងរយះពេល៣ ថ្ងៃហើយ ខណះដែលម្ចាស់គោបានលែងគោបស់ខ្លួនអោយដើរស៊ីស្មៅយ៉ាងអនាធិបតេយ្យតាមផ្លូវសាធា រណៈ តាមសួនច្បារ ក្នុងក្រុងកំពង់ ឆ្នាំងប៉ះពាល់ដល់សណ្ដាប់ធ្នាប់របៀបរៀបរយ និងការធ្វើចរាចរណ៍ក្នុងក្រុងផងដែរ ។
លោកវរៈសេនីយ៍ឯក ឆាយ ខេមរ័ត្នអធិការនគរបាលក្រុងកំពង់ឆ្នាំងនៅព្រឹកថ្ងៃទី ០៩ ខែកុម្ភៈឆ្នាំ២០២៣ នេះបាននិយាយឱ្យដឹងថា សត្វគោដែលម្ចាស់លែងចោលដើរស៊ីស្មៅយ៉ាងអាណាធិបតេយ្យបែបនេះកើ តមានជាយូរខែហើយ ដែលគោនោះមកពីបណ្ដាលឃុំមួយចំនួនជាប់ក្រុងកំពង់ឆ្នាំង ហើយសមត្ថ កិច្ចក៏ធ្លាប់ធ្វើការអប់រំ និងធ្វើកិច្ច សន្យាជាមួយម្ចាស់គោជាច្រើនដងផងដែរ ប៉ុន្តែការលែងគោចោលបែ បនេះនៅតែកើតមានដដែលមកពីម្ចាស់គោផ្សេងៗគ្នា ។
លោកអធិការក្រុងបានបន្តថា តាម ច្បាប់ចរាចរណ៍សត្វពាហនះដែលលែងចោលដើរតាមផ្លូវសាធារណៈពេលបង្កគ្រោះថ្នាក់ដល់យានយន្តគ្រប់ប្រភេទ ដែលធ្វើចរាចរណ៍ធ្វើផ្លូវសាធារណៈគឺម្ចាស់សត្វនោះត្រូវទទួ លខុសត្រូវចំពោះមុខច្បាប់ ។
ករណីនេះដែរ ឯកឧត្តមអភិបាលខេ ត្តនិង លោកអភិបាលក្រុងកំពង់ឆ្នាំ ងក៏បានណែនាំឲ្យសមត្ថកិច្ចធ្វើការអប់រំដល់ម្ចាស់គោ និងធ្វើកិច្ចសន្យាឱ្យច្បាស់លាស់ផងដែរ និងបើនៅតែមិនរាងចាលទេនោះ ត្រូវធ្វើការផាក ពិន័យឱ្យបានតឹងរឹងតឹងរឹង ទើបលុ បបំបាត់ការលែងគោអាណាធិបតេយ្យដូចខាងលើនេះបាន និងទើបកាត់បន្ថយបានគ្រោះថ្នាក់ចរាចរណ៍ក៏ទាក់ទងនឹងសត្វពាហនៈ។
សមត្ថកិច្ចនគរបាលក្រុងកំពង់ឆ្នាំងក៏សូមអំពាវនាវផងដែរដល់ម្ចាស់គោជាង២០ក្បាលខាងលើនេះ ដែ លត្រូវសមត្ថកិច្ចឃាត់ទុក ក្នុងភូមិធម្មយុត្តិ សង្កាត់ប្អេរ ក្រុងកំពង់ ឆ្នាំង និងដែលកំពុងធ្វើអោយសម ត្ថកិច្ចខ្វល់ខ្វាយ ក្នុងការថែទាំដាក់ស្មៅដាក់ចំបើង និងដាក់ទឹកឲ្យគោផឹកផងដែរនោះ សូមមកទំនាក់ ទំ នងជាមួយអធិការនគរបាលក្រុងកំពង់ឆ្នាំងទទួលយកគោរបស់ខ្លួនទៅគ្រប់គ្រងវិញ ៕
