បងល្បែងស៊ីសងខុសច្បាប់ប្រភេទកាស៊ីណូ មិនចាញ់ណាហ្គាឡើយ លួចបើកលេងយូរ ខែ យូរ ឆ្នាំ ណាស់មកហើយ នៅក្នុងក្លឹបស្នូរឃី អិន អេស ស៊ី នៅតាមបណ្ដោយផ្លូវលេខ ៩៥ក្នុងទឹកដីសង្កាត់បឹងត្របែក បែជា អាជ្ញាធរខណ្ឌចំការមនរក្សាភាពស្ងៀមស្ងាត់???
ខណ្ឌចំការមន:ប្រភពព័ត៌មានមួយបានបង្ហើបថា នៅក្នុងក្លឹបកីឡាស្នូកឃឺ អិន អេស ស៊ី តាមបណ្ដោយផ្លូវលេខ៩៥ ខាងក្រោយអតីតក្រសួងដែនដីនគរូបនីយកម្មនិងសំណង់ ស្ថិតក្នុងមូលដ្ឋានសង្កាត់បឹងត្របែក ខណ្ឌចំការមន លួចបង្កប់ល្បែងស៊ីសងខ្នាតធំដូចកាស៊ីណូ ដែលលួចបើកលេងជាយូរឆ្នាំមកហើយរហូតមកដល់សព្វថ្ងៃនៅមិនទាន់មានអាជ្ញាធរចុះបង្ក្រាបឡើយ ទោះបីមានបទបញ្ជាយ៉ាងម៉ឺងម៉ាត់ពីសម្ដេចតេជោនាយករដ្ឋមន្ត្រីក៏ដោយ។
ប្រភពពីអ្នកធ្លាប់ចូលលេងក្នុងក្លឹបកីឡាស្នូកឃឺនោះបានប្រាប់ថា នៅទីនោះគឺមានគ្រប់យ៉ាងតែម្ដង តែមានលក្ខណៈតូចជាងនៅណាហ្គាបន្តិច និងត្រូវបានយាមកាមយ៉ាងតឹងរ៉ឹងពីសំណាក់សន្តិសុខ ពិសេសបញ្ហាទូរស័ព្ទឬប៊ិច គេមិនឲ្យកាន់រញ៉េរញ៉ៃឬដាក់ហោប៉ាវអាវនោះទេ។
ដូច្នេះប្រជាជនរស់នៅក្នុងសង្កាត់បឹងត្របែក ខណ្ឌចំការមន សូមសំណូមពរ ដល់លោក កៀង ល័ក្ស អភិបាល នៃគណ:អភិបាលខណ្ឌ និងជាប្រធានគណ:បញ្ជាការឯកភាពខណ្ឌចំការមន នឹង លោកវរសេនីយ៍ឯក យិន សាន អធិការនគរបាលខណ្ឌចំការមន មេត្តាដាក់កម្លាំចុះទៅធ្វើការស្រាវជ្រាវស៊ើបអង្កេត ផងទៀន។
អង្គភាពអ្នកសារព័ត៌មានព្រុំសុជា ហតញូស៍ យើងខ្ញុំគ្រាន់តែជាកញ្ចក់ឆ្លុះបញ្ចាំង រិះគន់ក្នុងន័យស្ថាបនា ចូលរួមចំណែកជាមួយរាជរដ្ឋាភិបាល តែប៉ុណ្ណោះដោយមិនមានបំណងអាក្រក់ណាមួយទៅលើស្ថាប័នសមត្ថកិច្ចឡើយ។
