ឯកឧត្ដម ឈឿន មុនី ក្រុមការងាររាជរដ្ឋាភិបាលចុះមូលដ្ឋានខេត្តព្រះវិហារ ចុះសំណេះ សំណាលនិងសួរសុខទុកដល់យុវជនគណបក្សក្នុងស្រុកឆែបនិងស្រុកជ័យសែន

ខេត្តព្រះវិហារ៖ នាថ្ងៃទី១៤ ខែសីហា ឆ្នាំ២០២១នេះ ឯកឧត្តម ឈឿន មុ​នី​ ក្រុមការងាររាជរដ្ឋាភិបាលចុះមូលដ្ឋានខេត្តព្រះវិហារ តំណាងឯកឧត្តម មាស សុភា ប្រធានក្រុមការងាររាជរដ្ឋាភិបាលចុះមូលដ្ឋានខេត្ត បានដឹកនាំក្រុមការងារចុះសួរសុខទុក្ខយុវជនគណ បក្សក្នុងស្រុកចំនួន២ គឺពេលព្រឹកជួបសំណេះសំណាលជាមួយយុវជនគណ​ប​ក្សក្នុងស្រុកឆែប និងពេលរសៀលអញ្ជើញជួបសំណេះសំណាលជាមួយយុវ​ជ​​នស្រុកជ័យសែន។

ពីធីនេះមានការអញ្ជើញចូលរួមពីសំណាក់ ឯកឧត្តម អ៊ុក គឹមសាន ប្រ​ធា​នក្រុមការងារយុវជនគណបក្សខេត្ត ព្រមទាំង ឯកឧត្តម លោកជំទា​វ​ លោក លោកស្រី ជាសមាជិកគណបក្សប្រជាជនកម្ពុជាខេត្ត និងថ្នាក់​ដឹ​កនាំព្រមទាំងសមាជិកយុវជនគណបក្សស្រុកទាំង២ ជាច្រើនរូប។ មានប្រសាសន៍ទៅកាន់យុវជនគណបក្សទាំង២ស្រុកនាពេលនោះ ឯកឧត្តមឈឿន មុនី បាន ពាំនាំនូវការផ្ដាំផ្ញើសួរសុខទុក្ខពីសំណាក់ ឯកឧ​ត្ត​​មមាស សុភា ព្រមទាំងថ្នាក់ដឹកនាំគណបក្ស ទាំងថ្នាក់កណ្ដាល និងថ្នាក់ខេត្តជូនដល់យុវជនគណបក្សទាំង២ ស្រុកផងដែរ។ ក្នុងឱកាសនោះឯកឧត្តមក៏បានថ្លែងអំណរគុណ និងកោតសរសើរដល់ថ្នាក់ដឹកនាំ និងសមាជិកយុវជនគណបក្ស ក្នុងបណ្ដាស្រុកទាំង២ ដែលកន្ល ងមកបានយកចិត្តទុកដាក់ខិតខំអស់ពីកម្លាំងកាយចិត្ត ក្នុងលក្ខណៈសាមគ្គីភាពដ៏រឹងមាំ និងបានធ្វើឲ្យប្រសើឡើងនូវរចនា សម្ព័ន្ធ និងអង្គការចា​ត់​តាំងរបស់ក្រុមការងារយុវជនរបស់គណបក្ស ព្រមទាំងបានចូលរួ​ម​យ៉ា​ងសកម្មក្នុងការជួយសង្គមជាតិរបស់យើង។ ឯកឧត្តមក៏បានជំរុញបន្ថែមទៀត ទៅដល់យុវជនគណបក្សទាំងអស់ត្រូវខិតខំបន្តទៀតក្នុងការពង្រឹងរបៀបរបបការងាររបស់ក្រុមការងារយុវជនទៅតាមភារកិច្ចផ្សេងៗដែលថ្នាក់ដឹកនាំគណបក្សបានចាត់តាំង និងប្រគល់ជូនដើម្បីបុព្វហេតុគណបក្ស និងដើម្បីយកប្រៀបឈ្នះជូនគណបក្ស។ បន្ថែមពីនេះទៀត ត្រូវចូលរួមសហការជាមួយរាជរដ្ឋាភិបាលក្នុងការទប់ស្កាត់ការរីករាលដាល នៃជំងឺកូវីដ-១៩ ពិសេសមេរោគបំប្លែងថ្មីប្រភេទដែលតា ដែលបានកំពុងរីករាលដាលនៅតាមបណ្ដាខេត្តមួយចំនួននៅក្នុងប្រទេសកម្ពុជា ។ ព្រមទាំងបានជំរុញដល់ បងប្អូន ត្រូវមានអនាម័យជាប់ជាប្រចាំ និងអនុវត្តទៅតាមការណែនាំរបស់ក្រសួងសុខាភិបាល ពិ​សេសវិធានការទាំង៦ចំណុច របស់រាជរដ្ឋាភិបាល ៣កុំ និង ៣ការពារ ។ នៅក្នុងឱកាសជួបសំណេះសំណាលនិង សួរសុខទុក្ខយុវជនទាំង២ស្រុកនេះ ឯកឧត្តមក៏បាននាំយកនូវសម្ភារមួយចំនួនជូនដល់ក្រុមការងារយុវជនគណបក្សផងដែរ រួមមាន៖ ក្នុង១ស្រុកៗទទួលបាន ទឹកក្រូច​១០​កេ​ស ទឹកសុទ្ធ១០កេស ម៉ាស់១០ ប្រអប់ (ស្មើ៥០០បន្ទះ) និងអាវយុវជន​ចំ​នួន៣០អាវ ព្រមទាំងកុំព្យូទ័រមួយគ្រឿង ម៉ាស៊ីនព្រីនធ័រមួយគ្រឿង និងទូរស័ព្ឌ១៤គ្រឿងសម្រាប់១៤ឃុំ ក្នុងនោះឯកឧត្ដមអភិបាលខេត្តចូ​ល​រួមឧបត្ថម្ភម៉ាស់ N95 ១០០ម៉ាស់ផងដែរ៕