.ប្រភពពីប្រជាពលរដ្ឋបានឱ្យដឹងថា ទីតាំងដីមួយកន្លែងប្រមាណជាង១០ហិចតាជាប្រភេទដីស្រែបង្គាចាស់ ដែលកំពុងលួចចាក់បំពេញអាចម៍ដី និងលុបផ្លូវចាស់មួយចំនួន ព្រមទាំងលុបចំណីព្រែក សង្ស័យថាគ្មានច្បាប់អនុញ្ញាតត្រឹមត្រូវ
លោក អន សុធារិទ្ធ អភិបាលរងខេត្ត បានដឹកនាំកម្លាំងចម្រុះ ចុះពិនិត្យទីតាំងដីជាក់ស្ដែងឃើញថា ពិតជាគ្មានច្បាប់អនុញ្ញាតត្រឹមត្រូវពិតប្រាកដមែន រួចក៏ឱ្យបញ្ឈប់ភ្លាមរាល់សកម្មភាពចាក់បំពេញអាចដីបន្តទៀត
លោក អភិបាលរងខេត្ត បានព្រមានយ៉ាងធ្ងន់និងដាក់វិធានការ៤ចំណុចសំខាន់ៗទៅដល់រដ្ឋបាលស្រុកមណ្ឌលសីមា ឱ្យធ្វើជាបន្ទាន់
១,រៀបចំរបាយការណ៍ពាក់ព័ន្ធជូនលោកជំទាវអភិបាលខេត្ត ពិការចេញអាជ្ញាប័ណ្ណ
២,ចាត់ឱ្យភូមិបាលខេត្ត បញ្ជាន់ផែនទីមើលទីតាំង ម្ដងទៀតឲ្យដឹងពិតប្រាកដថាដីនោះជាប្រភេទដីអ្វីឱ្យពិតប្រាកដ
៣,សូមឱ្យម្ចាស់ផ្អាកការចាក់បំពេញអាចម៍ដីបណ្ដោះអាសន្នសិន ដើម្បីរងចាំការអនុញ្ញាតជាថ្មី
៤,សូមឱ្យរដ្ឋបាលស្រុកមណ្ឌលសីមា ធ្វើជាសេនាធិការ ទាំងឃុំ ទាំងស្រុក ទប់ស្កាត់ ការទន្ទ្រានដីឆ្នេរ និងដីចំណីព្រែក ជាពិសេសការសាងសង់សំណង់អត់ច្បាប់នៅលើចំណីព្រែក និងឆ្នេរសមុទ្រឱ្យបានដាច់ខាត៕
