ដោយបានការណែនាំ និងចង្អុលបង្ហាញពីលោកឧត្ដមសេនីយ៍ទោ តេង ច័ន្ទណាត ស្នងការ នៃស្នងការដ្ឋាននគរបាលខេត្តកំពង់ឆ្នាំង កម្លាំងការិយាល័យនគរបាលសណ្តាប់ធ្នាប់ និងការិយល័យនគរបាលចរាចរណ៍ផ្លូវទឹក

នៅថ្ងៃទី១៩ ខែមករា ឆ្នាំ២០២៥ ដោយបានការណែនាំ និងចង្អុលបង្ហាញពីលោកឧត្ដមសេនីយ៍ទោ តេង ច័ន្ទណាត ស្នងការ នៃស្នងការដ្ឋាននគរបាលខេត្តកំពង់ឆ្នាំង កម្លាំងការិយាល័យនគរបាលសណ្តាប់ធ្នាប់ និងការិយល័យនគរបាលចរាចរណ៍ផ្លូវទឹក សហការជាមួយកម្លាំងអធិការក្រុងកំពង់ឆ្នាំង សាលាក្រុង សន្តិសុខ ផ្សារលេី បានចុះសម្រួលចរាចរណ៍រៀបចំសណ្ដាប់ធ្នាប់នៅមុខផ្សារលើចំនួន ៥៧កន្លែង, រៀបចំសណ្ដាប់ធ្នាប់នៅផ្សារឆ្នាំងចំនួន ២៥កន្លែង, បន្តរៀបចំសណ្ដាប់ធ្នាប់នៅមុខសាលាខេត្ត ព្រមទាំងមុខមន្ទីរសាធារណការណ៍ជាប្រចាំ មិនតែប៉ុណ្ណោះបានបន្ត​រៀបចំមធ្យោបាយធ្វេីដំណេីរគ្រប់ប្រភេទដែលឈប់ចត​ប៉ះពាល់សណ្តាប់ធ្នាប់​តាមដងផ្លូវសាធារណៈឲ្យចូលចតក្នុងទីចំណតបានចំនួន១៤គ្រឿង(រថយន្តតាក់ស៊ី១២គ្រឿង រថយន្តដឹកទំនិញ០១គ្រឿង រថយន្តក្រុង០១គ្រឿង)។

កម្លាំងការិយាល័យនគរបាលចរាចរណ៍ផ្លូវទឹក បានបន្តចុះរៀចំសណ្តាប់ធ្នាប់ និងបន្តចុះផ្សព្វផ្សាយអប់រំណែនាំដល់ម្ចាស់ជលយានយន្ត,កាណូតដចម្លងដឹកអ្នកដំណើរ នៅចំណុចភូមិចុងកោះ និងភូមិកណ្តាលស្ថិតក្នុងសង្កាត់ផ្សារឆ្នាំង ក្រុងកំពង់ឆ្នាំង ដោយបានផ្សព្វផ្សាយអប់រំណែនាំដូចខាងក្រោម៖
១.មិនបើកបរក្នុងស្ថានភាពស្រវឹង
២.មុនចេញដំណើរម្ចាស់កាណូតត្រូវមានឧបករណ៍សង្រ្គោះដូចជា ពោងសង្រ្គោះ ,ម៉ាសុីនបូមទឹក,បំពង់ពន្លត់អគ្គីភ័យដាក់ តាមកាណូត និងអ្នករួមដំណើរត្រូវតែពាក់អាវពោងសុវត្ថិភាពទាំងអស់គ្នា ។
៣.មិនត្រូវដាក់សម្ភារៈរឺទំនិញផ្សេងៗនិងមនុស្សលើសចំណុះ ។

៤.កាណូតដែលពុំទាន់មានឯកសារគ្រប់គ្រាន់ត្រូវទៅបំពេញបែបបទនៅមន្ទីរសាធារណៈការនិងដឹកជញ្ជូនខេត្តឲ្យបានត្រឹមត្រូវតាមច្បាប់ ។
៥-គ្រប់អាជីវកម្មកំពង់ចម្លងទាំងអស់ត្រូវបញ្ឈប់ជាបន្ទាន់នូវការប្រើប្រាស់នាវា ;ទូកដចម្លងកែច្នៃខុសបច្ចេកទេសយកមកប្រើប្រាស់ជានាវា ;ទូកដចម្លង។
៦-គ្រប់អាជីវករដែលលក់ដូរនៅលើទូកតាមមាត់ទន្លេត្រូវជួយសំអាតអនាម័យឲ្យបានស្អាតផងដែរ ។