សៀមរាប ថ្ងៃ៥កើតខែ ចេត្រឆ្នាំឆ្លូវត្រីស័កពុទ្ធសករាជ២៥៦៥ ត្រូវនឹងថ្ងៃទី៦ខែមេសា ឆ្នាំ២០២២។
កងកម្លាំងកងរាជអាវុធហត្ថលើផ្ទៃប្រទេស សហការជាមួយកងកម្លាំងកងអន្តរាគមន៍នៃអគ្គស្នងការនគបាលជាតិ និងរដ្ឋបាលជលផល ហើយនិងអធិការរដ្ឋបាលជលផលខាងជើងបឹងទន្លេសាប ប្រចាំការនៅគោលដៅអភិរក្សកំពុងភ្លុកខេត្តសៀមរាប និងខណ្ឌរដ្ឋាភិបាលជលផលខេត្តសៀមរាប។
ដឹកនាំដោយលោកឧត្តមសេនីយ៍ទោដួង សារីបានចុះប្រតិបត្តិការបង្ក្រាបបទល្មើសនេសាទខុសច្បាប់ ចាប់ពីរចំណុចមុខកំពុងឃ្លាំងរហូតដល់ចំណុចមាត់ខ្លា ខេត្តសៀមរាប កម្លាំងសរុប២៦នាក់ ទូកកាណូតចំនួន២គ្រឿង លទ្ធផលទទួលបានជោគជ័យចំនួន៣ ករណីដូចខាងក្រោម។
១.រុះរើ និងបំផ្លិចបំផ្លាញចោលនូវរបាំងសាច់អួននិង ស្បៃនិងចំនួន២ករណីរួមមានរបាំងសាច់អួនចំនួន០៥របាំង ប្រវែង១២៥០ម៉ែត្រ និងបង្គោលចំនួន៧៧០បង្គោល
លូសាច់អួនចំនួន០៥ និងរបាំងស្បៃនិងចំនួន០៣ ប្រវែង៣០០ម៉ែត្រហើយបង្គោលចំនួន១៣០ដើម លូស្បៃមុងចំនួន០៣មាត់ ហើយនិងលេងត្រីចូលបឹងធម្មជាតិវិញចំនួន ២៧ គីឡូហើយនិងមួយករណីទៀត
ដែលកងកម្លាំងបង្ក្រាបបានដូចជានេសាទដោយសាច់អួន ហ៊ុំព័ទ្ធហើយនិងដែក១ ដុំ៤ជ្រុង ពណ៌សដែលសង្ស័យថាជាដុំឆក់ចំនួន០១
និងអាគុយ១ ថ្នងដួសត្រី១ ខ្សែភ្លើង៣ម៉ែត្រ សាច់អួនដែលហ៊ុំព័ទ្ធមានប្រវែង១៦០ម៉ែត្រចំនួន១
ទូកនិងម៉ាស៊ីនកាណូតចំនួន២ គ្រឿង ហើយនិងឃាត់ជនល្មើសជនជាតិខ្មែរនិង….ចំនួន៤នាក់ហើយក៏ សាងសំណូមរឿងបញ្ជូនទៅអយ្យការអមសាលាដំបូងខេត្តសៀមរាប បន្តតាមនីតិវិធី។
ប្រជាពលរដ្ឋជាច្រើនបានបង្ហើបប្រាប់សាព័ត៌មានយើងខ្ញុំថា ក្រុមឈ្មួញដុះស្លែរកស៊ីនេសាទខុសច្បាប់មិនដែលឃើញបង្ក្រាបបាន ទើបតែឃើញកងកម្លាំងចម្រុះថ្នាក់ជាតិបានគួរឲ្យកត់សម្គាល់។
