ខេត្តឧត្តរមានជ័យ÷ បន្ទាប់ពីមានការព្រមានធ្ងន់ៗ របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណា ចក្រកម្ពុជា ឱ្យបិទជាស្ថាពរល្បែងស៊ីសងខុសច្បាប់គ្រប់ប្រភេទ គេសង្កេតឃើញថា គ្រប់រាជធានី-ខេត្ត ទូទាំងព្រះរាជាណាចក្រកម្ពុជា មានការថមថយជាអតិបរមា ល្បែងស៊ីសងខុសច្បាប់។ ជាមួយគ្នានោះ ប្រជាពលរដ្ឋរស់នៅក្នុងភូមិសាស្ត្រស្រុកត្រពាំងប្រាសាទ ខេត្តឧត្តរ មានជ័យ ក៍បានសង្កេតឃើញថា ល្បែងស៊ីសងជល់មាន់ តាមប្រព័ន្ធទូរទស្សន៍អនឡាញ,ក៏ដូចជាឆ្នោតឡូតូ ថយចុះនិងស្ងប់ស្ងាត់ផងដែរ។ ប៉ុន្តែស្ងាត់បានត្រឹមតែមួយ រយៈពេលខ្លី តែប៉ុណ្ណោះ ឥឡូវនេះក៍ចាប់ដំណើរការលេងយ៉ាងគគ្រឹកគគ្រេងវិញហើយ។
ប្រជាពលរដ្ឋកត់សម្គាល់ឃើញថា បន្ទាប់ពីមានការដោះ ដូរស្នងការនគរបាលខេត្តឧត្តរមានជ័យ មកល្បែងស៊ី សងអនឡាញទាំងឡាយ បានចាប់ដំណើរការឡើងវិញប្រភពពីប្រជាពលរដ្ឋឲ្យដឹងថា ទីតាំងនេះបច្ចុប្បន្នបើកល្បែងស៊ីសងជល់មាន់តាមទូរទស្សន៍អនឡាញ ជាច្រើនកន្លែងស្ថិតនៅភូមិត្រពាំងប្រាសាទ ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យនេះ កំពុងបើក ឲ្យក្រុមអ្នកញៀនល្បែង ចូលលេងយ៉ាងអនាធិបតេយ្យជារៀងរាល់ថ្ងៃ។ ប្រជាពលរដ្ឋបានបន្តថា បើទោះបីជាមានការប្រព្រឹត្តល្បែងស៊ីសងខុសច្បាប់ទាំងនេះ ក៏គេនៅ តែសង្កេតឃើញថា អាជ្ញាធរនិងសមត្ថកិច្ច ក្នុងមូលដ្ឋាន បានត្រឹមតែនាំគ្នារក្សាភាពស្ងៀមស្ងាត់ មិនចាត់វិធានការបង្ក្រាបឡើយ។
ល្បែងស៊ីសងអនឡាញជាច្រើនប្រភេទ កំពុងដំណើរការបន្ថែមទៀត នៅតាមពីជនបទក្នុងស្រុកត្រពាំងប្រាសាទក៏ដូចជាស្រុកអន្លង់វែងជាដើម។ ជាការកត់សម្គាល់របស់ប្រជាពលរដ្ឋក្នុងមូលដ្ឋានទាំងនេះមើលឃើញថា ចាប់ តាំងពីការផ្លាស់ប្ដូរ ស្នងការនគរបាលខេត្តឧត្តរមានជ័យពោលគឺលោកហួត សុធីចេញ,លោកខូវ លី ចូល,បញ្ហាល្បែងស៊ីសងអនឡាញហាក់ដូចជាមានការកម្រើកខ្លាំងឡើងវិញ។ យ៉ាងដូច្នេះ ប្រជាពលរដ្ឋមិនមែនមានន័យ ថា ល្បែងស៊ីសងត្រូវបានអនុញ្ញាតឲ្យដំណើរការឡើង វិញក្រោមការដឹកនាំរបស់លោកខូវ លី នោះទេ។ ប៉ុន្តែមួយរយៈក្រោយនេះល្បែងស៊ីសងតាមអនឡាញ ច្រើនប្រភេទពិតជាបានដំណើរការឡើងវិញ គួរឲ្យកត់សម្គាល់ក្នុងភូមិសាស្ត្រស្រុកត្រពាំងប្រាសាទ និងស្រុកអន្លង់វែងនៃខេត្តឧត្តរមានជ័យ។
ពាក់ព័ន្ធនិងករណីល្បែងស៊ីសងខាងលើនេះ លោកជ័យ វាសនា អធិការនគរបាលស្រុកត្រពាំងប្រាសាទបានថ្លែងមកពេញចិត្តមេឌាថា ចំពោះករណីល្បែងស៊ីសងនៅក្នុងស្រុកត្រពាំងប្រាសាទ ដែលឃើញមានអ្នកសារព័ត៌មានផ្សាយជាហូរហែមកនោះ គឺជាព័ត៌មានពិត យករូបភាពចាស់មកចុះផ្សាយ លោកបានបន្ថែមថា កន្លងមកកម្លាំងអធិការដ្ឋាននគរបាលស្រុកត្រពាំងប្រាសាទ តែងតែយកចិត្តទុកដាក់បង្ក្រាបរកបទល្មើសល្បែងស៊ីសងក៏ដូចជាបទល្មើសផ្សេងៗទៀត។ និងស្នើសុំឲ្យអ្នកសារព័ត៌មានចូលរួមសហការរាយការណ៍ជូនដល់កម្លាំងនគរបាលស្រុកត្រពាំងប្រាសាទ ដើម្បីទប់ស្កាត់និងបង្ក្រាបបទល្មើសល្បែងស៊ីសងនិងបទល្មើសផ្សេងៗទៀតឲ្យបានទាន់ពេលវេលា។
ប្រជាពលរដ្ឋ បានសំណូមពរដល់ លោកឧត្តមសេនីយ៍ទោ ខូវ លី ស្នងការនគរបាលខេត្តឧត្តរមានជ័យ ដែលទើបនឹងចូលកាន់តំណែងថ្មី ជំនួសឧត្តមសេនីយ៍ទោ ហួត សុធី ដែលបានផ្លាស់ប្ដូរទៅកាន់តំណែងជាស្នងការ នៃស្នងការដ្ឋាននគរបាលខេត្តសៀមរាបកាលពីពេលថ្មីៗកន្លងទៅនិងជាពិសេស លោកប៉ែន កុសល អភិបាលនៃ គណៈអភិបាលខេត្តឧត្តរមានជ័យ និងជាប្រធានគណៈបញ្ជាការឯកភាពខេត្ត មេត្តាចាត់វិធានការតាមផ្លូវច្បាប់ ចំពោះទីតាំងបនល្បែងខុសច្បាប់ ជល់មាន់ តាមប្រព័ន្ធ ទូរទស្សន៍អនឡាញ នៅស្រុកត្រពាំងប្រាសាទនិងស្រុកអន្លង់វែង ខេត្តឧត្តរមានជ័យផង ដើម្បីជាការចូលរួមជា មួយរាជរដ្ឋាភិបាល ក្នុងការលុបបំបាត់ល្បែងស៊ីសងខុស ច្បាប់គ្រប់ប្រភេទនៅតាមមូលដ្ឋាន៕ប្រភព សានដេ
