រតនគិរី ; រថយន្តកែឆ្នៃ ដឹកជញ្ជូន បារីគេចពន្ធឆ្លងដែនអត់ច្បាប់តាមច្រករបៀងប៉ុស្តិ៍ ៦០១ {ហៅប៉ុស្តិ៍ភ្នំក្រហម} ដែលមានមេប៉ុស្ពិ៍ {ឈ្មោះ ដា} ពាក់ព័ន្ធករណីរថយន្តដឹកបារីខាងលើឆ្លងកាត់ប៉ុស្ដិភ្នំក្រហមនេះ នៅក្នុងភូមិសាស្ត្រ ភូមិ ប៉ក់តូច ឃុំ ប៉ក់ញ៉ៃ ស្រុកអូរយ៉ាដាវ ខេត្តរតនគិរី ។
បើតាមប្រភពដែលសុំមិនបញ្ចេញឈ្មោះបានអោយដឹងថារថយន្តដឹកបារីនេះ ដឹកចេញពីទីរួមខេត្តរតនគិរី ឆ្ពោះទៅលក់នៅប្រទេសវៀតណាម ទាំងថ្ងៃទាំងយប់ជារៀងរាល់ថ្ងៃតាមច្រករបៀង ប៉ុស្ដិភ្នំក្រហមបានយ៉ាងរលូន តែគ្មានសមត្ថកិច្ចណាពាក់ពន្ធ័មួយណាហ៊ានចេញមុខទប់ស្កាត់ ឬបង្រ្កាបនោះឡេីយ។
ករណីខាងលើនេះ លោក នាយប៉ុស្តិ៍ ៦០១ បានទទួលស្គាល់ថា បារីទាំងនោះ គឺពិតជាដឹកជញ្ជូនឆ្លងកាត់តាមច្រករបៀងរបស់លោក ពិតប្រាកដមែន
តែត្រង់ថា មានច្បាប់ឬអត់ច្បាប់នោះសូម្បីតែ លោក ក៏ដឹងមិនច្បាស់នោះដែរ!!
លោកមេប៉ុស្តិ៍បន្តទៀតថា បើចង់ដឹងច្បាស់អោយទៅសួរ ថ្នាក់ខេត្តទៅ តែគាត់មិនបានបញ្ជាក់ថា ថ្នាក់ខេត្តនោះជា នរណានោះឡើយ។
បេីតាមការអោយដឹងពីប្រភពដដែលបានបញ្ជាក់ថាឈ្មួញរត់ពន្ធបារីឆ្លងដែនខុសច្បាប់នោះមានឈ្មោះថា លោក កយ មានតួនាទីជានាយរងប៉ុស្ដិ ភូមិឡុំ រកស៊ីខុសច្បាប់នេះជាយូរឆ្នាំមកហើយមិនដែលរំខានដល់អាជ្ញាធរឬសមត្ថកិច្ចម្តងណាឡើយ និងមានការលើកឡើងពីមន្រ្តីវរៈការពារព្រំដែនគោកលេខ ៦២៣ បាននិយាយបែបលេងសើចថាបារីគេ មានច្បាប់ គឺច្បាប់ស្រុកខ្មែរយើង សូម្បីតែផ្កាយ២រឺផ្កាយ៣ក៍មិនហ៊ានប៉ះ មេឈ្មួញនេះដែរ!!
ក្នុងករណីនេះតើពិតដូចមន្ត្រីលើកឡើងនោះដែរឬទេ?
បើដូច្នោះមែន សូម លោក ឧត្តមសេនីយ៍ទោ អ៊ុង សុភាព ស្នងការដ្ឋាននរគបាលខេត្ត រតនគិរី ពិនិត្យមើលមន្រ្តីច្រកដូចបានជម្រាបខាងលេីផង នឹងសូមមានវិធានការលេីមន្រ្តីខិលខូច លួចឃុបឃិតទាំងនេះផង។
មជ្ឈដ្ឋានទូទៅកំពុងតែរង់ចាំមើលថា÷ តើ លោកស្នងការ មានចំណាត់ការបែបណាចំពោះមន្ត្រីក្រោមឱវាទរបស់ខ្លួនខាងលើ?
ជាពិសេសសំណុំពរ ដល់ ឯកឧត្តម អភិបាលនៃគណ:អភិបាលខេត្តរតន:គីរី និងជាប្រធានគណបញ្ជាការឯកភាពខេត្ត មេត្តាមានវិធានការលេីមន្រ្តីដែលខិលខូចដែលធ្វើឲប៉ះពាល់ដល់មន្រ្តីល្អផងទាន៕
