នៅរសៀលថ្ងៃអង្គារ ៦កើត ខែពិសាខ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី២៥ ខែមេសា ឆ្នាំ២០២៣
លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានចាត់
លោកឧត្តមសេនីយ៍ត្រី រឹម សារិ ស្នងការរង លោកឧត្តមសេនីយ៍ត្រី សេង សុទ្ធ ស្នងការរង និងលោកឧត្តមសេនីយ៍ត្រី ឡាក់ ម៉េងធី ស្នងការរងជាតំណាង អមដំណើរឯកឧត្តម គង់ សោភ័ណ្ឌ អភិបាលនៃគណៈអភិបាលខេត្ត និងជាប្រធានកាកបាទក្រហមកម្ពុជាខេត្តកណ្តាល អញ្ជើញដ៏ខ្ពង់ខ្ពស់ ចុះសំណេះសំណាលនិងនាំយកអំណោយជូនដល់ប្រជាពលរដ្ឋដែលរងផលប៉ះពាល់ដោយការបាក់ច្រាំងទន្លេបាសាក់ស្របតាមបណ្តោយផ្លូវជាតិលេខ២១ ស្ថិតនៅភូមិត្រពាំងឈូក ឃុំព្រែកគយ ស្រុកស្អាង ខេត្តកណ្តាល។
