ស្រុក កណ្ដាលស្ទឹង នៅ ភូមិ ស្រែគោក ឃុំ អន្លុងល្មៀតមហាជនដាក់ការសង្ស័យថាប្រហែលជាទីតាំងនោះជាឆ្នាំងបាយរបស់លោកអធិការនគរបាលស្រុកកណ្ដាលស្ទឹងហើយមើលទៅទើបលោកនាយប៉ុស្តិ៍មិនហ៊ានទៅក្បែរ….
កណ្ដាល៖ ទីតាំងបនល្បែងស៊ីសងដ៏ធំ អនឡាញ បានបើកដំណើរការយ៉ាងរំភើយ ដោយគ្មានការរំខានដល់អាជ្ញាធរនិងសមត្ថកិច្ចពាក់ព័ន្ធបន្តិចសោះឡើយ។
តាមប្រភពព័ត៌មានបានឱ្យដឹងថា បនល្បែងស៊ីសងមួយកន្លែងនេះ បើកដំណើរការជាសាធារណៈ ដោយមានភ្ញៀវចេញចូលយ៉ាងសស្រាក់សស្រាំ មកពីគ្រប់មជ្ឈដ្ឋាន គ្រប់ជាតិសាសន៏ មានទាំងក្មេងៗ មនុស្សចាស់ ទាំងប្រុសទាំងស្រីជាដើម។
ប្រជាពលរដ្ឋដែលរស់នៅតាមតំបន់នោះបានលើកឡើងថា៖ «ទីតាំងបនល្បែងស៊ីសងខាងលើនេះ ទំនងជាមានការចូលរួមជាមួយមន្ត្រីអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋានណាម្នាក់ហើយទើបមិនមានការបង្ក្រាបទប់ស្កាត់» ពោលគឺបណ្តែតបណ្ដោយឲ្យបើកដំណើរការដោយចំហរនិងដោយសេរី មិនខ្វល់ពីការកើតឡើងចោរកម្មបន្តិចឡើយដែលជាមន្ត្រីដុះស្លែគួរតែមានវិធានការទប់ស្កាត់ជាបន្ទាន់បន្ថែមទៀត បើពុំដូច្នោះទេ ចោរលួច ចោរប្លន់ កើនឡើងជាលំដាប់ជាមិនខាន ដោយសារតែការព្រងើយកន្តើយរបស់អស់លោក។
ទាក់ទិនទៅនឹងបញ្ហាល្បែងស៊ីសងខាងលើនេះពលរដ្ឋស្នើសុំដល់លោក គង់ សោភ័ណ្ឌ អភិបាលនៃគណៈអភិបាលខេត្តកណ្ដាល និង ឧត្ដមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល សូមដឹកនាំកម្លាំងចុះបង្ក្រាបទីតាំងល្បែងស៊ីសងខុសច្បាប់ខាងលើនេះផងទាន
គួរបញ្ជាក់ថា សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ធ្លាប់បានដាក់បទបញ្ជាតឹងរ៉ឹង ដល់គ្រប់ខេត្ត-រាជធានីទូទាំងប្រទេស ឲ្យអនុវត្ត គោលនយោបាយ ភូមិ-ឃុំមានសុវត្ថិភាព៩ចំណុច គឺត្រូវបង្ក្រាបបទល្មើសល្បែងសុីសងខុសច្បាប់គ្រប់ប្រភេទឲ្យខាងតែបាន ហើយបើកើតមាននៅក្នុងទឹកដីណា អ្នកនោះជាអ្នកទទួលខុសត្រូវ។
យោងតាមច្បាប់ ស្តីពី ការបង្ក្រាបល្បែងស៊ីសង ដែលរដ្ឋសភាបានអនុម័ត កាលពីឆ្នាំ១៩៩៦ បានចែងផ្តន្ទាទោស៖
*អ្នកញៀនល្បែងស៊ីសង ផ្អែកតាម
មាត្រា៤៖ ជនណាលេងល្បែងស៊ីសង ជននោះត្រូវផ្តន្ទាទោស ពិន័យជាប្រាក់ ពី១ម៉ឺនរៀល ដល់ ៥ម៊ឺនរៀល រឺ ដាក់គុកពី១សប្តាហ៍ ដល់ ១ខែ។
ក្នុងករណីពុំរាងចាល ត្រូវផ្តន្ទាទោស ពិន័យជាប្រាក់ ពី៥ម៉ឺនរៀល ដល់ ៥សែនរៀល និងដាក់គុកពី១ខែ ដល់ ១ឆ្នាំ។
*មេបនល្បែងស៊ីសង ផ្អែកតាម
មាត្រា៥៖ ត្រូវផ្តន្ទាទោស ពិន័យជាប្រាក់ ពី ៥លានរៀល ដល់ ២០លានរៀល និងដាក់គុកពី ១ឆ្នាំ ដល់ ៥ឆ្នាំ ចំពោះអ្នកបើកលេងល្បែងស៊ីសង អ្នកកាន់កាប់ល្បែងស៊ីសង អ្នកចាត់ចែងនិងភ្នាក់ងារស៊ីសង។
ក្នុងករណីពុំរាងចាល ត្រូវផ្តន្ទាទោស ពិន័យជាប្រាក់ និងដាក់គុកខាងលើនេះជាអតិបរមា៕
