ធនាគារពិភពលោកបន្តពិនិត្យការអនុវត្តគម្រោងរបស់ខ្លួននៅកម្ពុជាក្នុងទឹកប្រាក់ជាង ១ប៊ីលានដុល្លារ

លោកស្រី ម៉ារីយ៉ាម សាលីម (Maryam Salim) ប្រធានធនាគារពិភពលោកដែលត្រូវតែងតាំងប្រចាំនៅកម្ពុជាប្រកាសថា ខ្លួនជាអ្នកបន្តមើលការខុសត្រូវរួមពីលើកិច្ច ការប្រចាំថ្ងៃរបស់ធនាគារ ពិភពលោកជាមួយរាជរដ្ឋាភិ បាលកម្ពុជា និងដៃគូអភិវឌ្ឍន៍ ក្នុងកញ្ចប់គម្រោងនានាគិតជាតម្លៃទឹកប្រាក់សរុបប្រមាណ ១,១ប៊ីលានដុល្លារអាមេរិក ដែលភ្នាក់ងារនានារបស់រាជ រដ្ឋាភិបាលកំពុងអនុវត្ត តាម រយៈជំនួយហិរញ្ញវត្ថុ និងបច្ចេកទេសពីធនាគារពិភព លោក ។ តាមរយៈសារក្នុងឱកាសចូលកាន់តំណែងនៅថ្ងៃទី៩ ខែសីហា ឆ្នាំ២០២១ លោក ស្រី បានបញ្ជាក់ថា លោកស្រីបានត្រៀមខ្លួនជាស្រេច ដើម្បីជួយប្រទេសកម្ពុជាគ្រប់គ្រងផលប៉ះពាល់នៃការរាតត្បាតជំងឺកូវីដ-១៩ ការរៀបចំមូល ដ្ឋានសម្រាប់ការស្តារសេដ្ឋកិច្ចឱ្យរើបឡើងវិញយ៉ាងស្វាហាប់ និងកសាងភាពធន់សម្រាប់ទប់ទល់ជាមួយហេតុការណ៍អង្រួនកន្ត្រាក់សេដ្ឋកិច្ចនៅថ្ងៃ ខាងមុខជាដើមនេះ សំដៅកាត់បន្ថយភាពក្រីក្រ និងបង្កើនវិបុលភាពរួមសម្រាប់ប្រជាជនកម្ពុជា។ លោកស្រី ម៉ារីយ៉ាម សាលីម បានថ្លែងថា ក្របខណ្ឌភាពជាដៃគូរបស់ធនាគារពិភពលោកសម្រាប់ប្រទេសកម្ពុជាសម្រាប់ដំណាក់កាលឆ្នាំ ២០១៩-២០២៣ គឺបាននិងកំពុងផ្តោតសំខាន់ទៅលើការបង្កើនភាពប្រសិទ្ធភាពរបស់វិស័យសាធារណៈ និងលើក កម្ពស់ការអភិវឌ្ឍវិស័យឯកជន, ការវិនិយោគលើធនធានមនុស្សតាមរយៈការ ពង្រីកលទ្ធភាពទទួលបានសេវាអប់រំ និងសេវាសុខាភិ បាលមានគុណភាពសម្រាប់ក្មេងតូច, ការធ្វើពិពិធកម្ម និងបង្កើនផលិតភាពក្នុងវិស័យកសិកម្ម, ការលើកកម្ពស់ការ ប្រើប្រាស់ធនធានធម្មជាតិប្រកបដោយចីរភាព និងការពង្រឹងអភិបាលកិច្ចស្ថាប័ន និងការចូលរួមរបស់ពលរដ្ឋ៕