ភ្លៀងខ្លាំងធ្វើឱ្យផ្លូវនៅកូរ៉េខាងត្បូងក្លាយជាកូនទន្លេ និងសម្លាប់មនុស្ស៩នាក់
ភ្លៀងធ្លាក់ខ្លាំងបំផុតមិនធ្លាប់មានអស់រាប់ទសវត្សរ៍មកហើយនៅកូរ៉េខាងត្បូង បានធ្វើឱ្យរដ្ឋធានីសេអ៊ូលនិងតំបន់ជុំវិញក្លាយជាតំបន់លិចលង់ខ្លាំង ដោយប្រែក្លាយផ្លូវថ្នល់ឱ្យទៅជាកូនទន្លេដែលមានរថយន្តរសាត់កកកុញ
ហើយដែលហូរចូលស្ថានីយរថភ្លើងក្រោមដីទៀត។ ក្រុមមន្ត្រីនិយាយកាលពីថ្ងៃអង្គារទី៩ ខែសីហា ថា មានមនុស្សយ៉ាងហោចណាស់៩នាក់បានស្លាប់ ដោយអ្នកខ្លះលង់ទឹកនៅគេហដ្ឋានរបស់ពួកគេ ហើយមនុស្សយ៉ាងតិច៦នាក់ទៀតបានបាត់ខ្លួន ដោយគេរំពឹងថាភ្លៀងនឹងបន្តធ្លាក់ទៀត។ (ប្រភព៖ AP)
