ខេត្តសៀមរាប៖ ក្រោយល្បីល្បាញពេញបណ្ដាញសង្គម ករណីជនជាប់ចោទ ឈ្មោះសោម សមស័ក្តិ នាយកទីចាត់ការហិរញ្ញវត្ថុសាលាខេត្តសៀមរាប”ជេរប្រមាថ.វ៉ៃស្ដ្រីភេទទន់ខ្សោយ និងបើករថយន្ត ទំនើប ប៉ុនប៉ងបុកសម្លាប់ ស្ដ្រីរងគ្រោះទាំងយប់”នោះមក!។
ឥឡូវៈ តំណាងអយ្យការអមសាលាដំបូងខេត្តសៀមរាប សម្រេចចោទប្រកាន់ជនជាប់ចោទឈ្មោះសោម សមស័ក្តិ ចំនួន៣បទល្មើ នឹងបានបញ្ជូនសំណុំរឿង ទៅចៅក្រមស៊ើបសួរដើម្បីចាត់ការបន្តទៀតផង!។
នេះបើយោងតាមការបញ្ជាក់ពីលោកស្រី សាត ធីតា ព្រះរាជអាជ្ញារងខេត្តសៀមរាប និងជាអ្នកនាំពាក្យ បានថ្លែងប្រាប់«ក្រុមសារព័ត៌មាន យើងអោយដឹងថា»នៅរសៀលថ្ងៃទី០៦ ខែសីហា ឆ្នាំ២០២២។
លោកស្រី សាត ធីតា បញ្ជាក់ថាៈជនត្រូវចោទឈ្មោះ សោម សមស័ក្តិ ត្រូវបានតំណាងអយ្យការ សម្រេចចោទប្រកាន់ ពីបទៈ«ជេរប្រមាថ បទៈហិង្សាដោយចេតនា និងបទៈ ប៉ុនប៉ងមនុស្សឃាត»។
បច្ចុប្បន្នៈសំណុំរឿងជនជាប់ចោទឈ្មោះ សោម សមស័ក្តិ កំពុងស្ថិតក្នុងការអនុវត្តនីតិវិធីរបស់ចៅក្រមស៊ើបសួរ។
ចំណែកជនត្រូវចោទឈ្មោះ សោម សមស័ក្តិ នាយកទីចាត់ការហិរញ្ញវត្ថុសាលាខេត្តសៀមរាប ក៏មិនអាចសុំការបកស្រាយបានដែរ ព្រោះទូរស័ព្ទចូលហើយគ្មានអ្នកទទួល។
ករណីហិង្សានេះ បានកើតឡើង កាលពីយប់ទី១៤ ខែមិថុនា ឆ្នាំ២០២២ ត្រង់ចំណុច”ផ្សារទំនើបអាស៊ី”ភូមិមណ្ឌល១ សង្កាត់ស្វាយដង្គំ ក្រុងសៀមរាប ខេត្តសៀមរាប ។
ខណៈជនបង្កត្រូវបានគេស្គាល់ថាៈជាលោក សោម សមស័ក្តិ នាយកទីចាត់ការហិរញ្ញវត្ថុ នៃសាលាខេត្តសៀមរាប រីឯជនរងគ្រោះជាមនុស្សស្រី។
យោងពាក្យបណ្ដឹងដាក់ចូល ប្រធានការិយាល័យ ព្រហ្មទណ្ឌកំរិតធ្ងន់ខេត្តសៀមរាប កាលពីថ្ងៃទី១៤ ខែមិថុនា ឆ្នាំ២០២២។
បានឱ្យដឹងថាៈ ជនរងគ្រោះឈ្មោះ ផាត់ សុជឿន ភេទស្រីអាយុ៤៥ឆ្នាំ នៅភូមិបង្អែក ឃុំស្វាយភ្លោះ ស្រុកពាមជរ ខេត្តព្រៃវែង។
ជនរងគ្រោះបានអះអាងថាៈ ជនជាប់ចោទឈ្មោះសោម សមស័ក្តិ នាយកទីចាត់ការហិរញ្ញវត្ថុ សាលាខេត្តសៀមរាប ។
ពិតជាបានប្រើអំពើហិង្សាលើរូបនាងប្រាកដមែន.ដោយវ៉ៃនាងចំនួន១ដៃ ច្រាននាង បណ្ដាលឱ្យដួលលើផ្លូវ រួចបើករថយន្តរបស់ខ្លួនម៉ាក RENG ROVER ពណ៌ខ្មៅ ពាក់ស្លាកលេខ BU.0009 គេចខ្លួនបាត់។
មួយសន្ទុះក្រោយមកជនជាប់ចោទឈ្មោះ សោម សមស័ក្តិ បានបើករថយន្តមកវិញ ក្នុងបំណងបុកសម្លាប់នាង តែត្រូវនាងគេចផុត!។
បណ្ដាលឱ្យរថយន្តជនជាប់ចោទឈ្មោះសោម សមស័ក្តិ ជ្រុលបុកម៉ូតូសមត្ថកិច្ច ដែលកំពុងចុះអន្តរាគមន៍ នៅកន្លែងកើតហេតុ បន្ទាប់មកទៀតជនជាប់ចោទឈ្មោះ សោម សមស័ក្តិ បានបើករថយន្តរត់គេចបាត់ស្រមោល។
ក្រោយកើតហេតុជនរងគ្រោះ បានដាក់ពាក្យបណ្ដឹង នៅការិយាល័យ ព្រហ្មទណ្ឌកំរិតធ្ងន់ ខេត្តសៀមរាបតែម្ដងទៅ។
បន្ទាប់ពីបានទទួលបណ្ដឹង សមត្ថកិច្ចបានកសាងសំណុំរឿង បញ្ជូនទៅតុលាការ ដើម្បីចាត់ការតាមនីតិវិធី។
សេចក្ដីរាយការណ៍បានឱ្យដឹងថាៈ រហូតមកទល់និងពេលនេះ តុលាការខេត្តសៀមរាប បានកោះហៅជនជាប់ចោទឈ្មោះសោម សមស័ក្តិ ឱ្យចូលបំភ្លឺចំនួន២លើកហើយ តែលោកមិនចូលបំភ្លឺឡើយ!។
ទោះយ៉ាងណាក្ដី ជនរងគ្រោះឈ្មោះ ផាត់ សុជឿន សូមស្នើយ៉ាងទទូចដល់ស្ថាប័នតុលាការខេត្តសៀមរាប រដ្ឋបាលខេត្តសៀមរាប ក្រសួងយុត្តិធម៌ មេត្តាជួយអន្តរាគមន៍ រកយុត្តិធម៌ដល់រូបគាត់ដោយក្ដីអនុគ្រោះ ក្នុងនាមជាស្ត្រីភេទទន់ខ្សោយ បែរជារងនូវ អំពើហិង្សាពីសំណាក់មន្ត្រីមានអំណាចនៅក្នុងខេត្ត៕
