នៅរសៀលថ្ងៃពុធ ៥រោច ខែមិគសិរ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១០ ខែធ្នូ ឆ្នាំ២០២៥
ដោយអនុវត្តតាមការដឹកនាំបញ្ជាដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានអញ្ជើញជាអធិបតីដឹកនាំកិច្ចប្រជុំផ្សព្វផ្សាយការងារចាំបាច់មួយចំនួន និងផ្សព្វផ្សាយអំពីសភាពការណ៍ព្រំដែនរវាងកម្ពុជា-ថៃ ដល់លោកស្នងការរង លោកនាយការិយាល័យជំនាញ លោកអធិការនគរបាលគ្រប់ស្រុក/ក្រុង លោកមេបញ្ជាការវរៈសេនាតូចនគរបាលការពារព្រំដែនគោកលេខ៦០៥ និងលោកប្រធានប៉ុស្តិ៍នគរបាលច្រកទ្វារអន្តរជាតិជ្រៃធំ នៅសាលប្រជុំស្នងការដ្ឋាននគរបាលខេត្តកណ្តាល។
ក្នុងកិច្ចប្រជុំនេះដែរ លោកឧត្តមសេនីយ៍ទោស្នងការ បានណែនាំដល់គ្រប់ប្រធានអង្គភាពចំណុះស្នងការដ្ឋានទាំងអស់ ដូចខាងក្រោម៖
-ត្រូវធ្វើការគ្រប់គ្រងវត្តមានមន្ត្រីក្រោមឱវាទរបស់ខ្លួនឱ្យបានច្បាស់លាស់ទាំងថ្នាក់ខេត្ត និងតាមស្រុក/ក្រុង
-ត្រូវធ្វើការតាមដានសភាពការណ៍ឱ្យបានជាប់ជាប្រចាំ និងចូលរួមផ្សព្វផ្សាយព័ត៌មានពិត តាមបណ្តាញសង្គមផ្លូវការរបស់ក្រសួង ស្ថាប័នថ្នាក់ជាតិ
-ត្រូវបន្តធ្វើការងារជំនាញប្រចាំថ្ងៃ ការងារផ្តល់សេវាជូនប្រជាពលរដ្ឋ និងការពារសន្តិសុខ សណ្តាប់ធ្នាប់ នៅក្នុងភូមិសាស្ត្រខេត្តឱ្យបានល្អប្រសើរ។
ទន្ទឹមនោះ កម្លាំងនគរបាលនៃស្នងការដ្ឋានយើងទាំងអស់ គឺជាកម្លាំងជួរក្រោយគាំទ្រសមរភូមិមុខ និងរួបរួមសាមគ្គីគ្នាជាធ្លុងមួយ គាំទ្រនិងជឿជាក់លើការដឹកនាំរបស់រាជរដ្ឋាភិបាលកម្ពុជា ក្នុងការប្រយុទ្ធប្រឆាំងនឹងចោរឈ្លានពាន។
