ព្រៃវែង៖ នៅរសៀលថ្ងៃទី ២ ខែឧសភា ឆ្នាំ ២០២២ សម្ដេចព្រះមហាអរិយវង្សបណ្ឌិត ឃី សុវណ្ណរតនា សកលវិទ្យាធិការរងទទួលបន្ទុកដឹកនាំសកលវិទ្យាល័យ ព្រះសីហនុរាជ អនុប្រធានលេខាធិការដ្ឋានគណៈសង្ឃនាយក តំណាងដ៏ខ្ពង់ខ្ពស់ សម្ដេចព្រះសង្ឃនាយក នៃព្រះរាជាណាចក្រកម្ពុជា និងឯកឧត្តម ជា សុមេធី អភិបាលខេត្ត និងលោកជំទាវ បានអញ្ជើញចូលរួមក្នុងពិធីបុណ្យស្រោចស្រពព្រះសុគន្ធវារី ប្រគេនព្រះសរណានុរ័ក្ខធម្ម ចាន់ សុធា ឡើងទៅជាព្រះរាជាគណៈថ្នាក់កិត្តិយស និងជាព្រះលេខាធិការគណខេត្តព្រៃវែង ព្រះវិន័យធរអនុគណក្រុងព្រៃវែង និងជាព្រះចៅអធិការវត្តសំសមី។
ថ្លែងនៅក្នុងនោះសម្ដេចព្រះមហាអរិយវង្សបណ្ឌិត ឃី សុវណ្ណរតនា សកលវិទ្យាធិការរងទទួលបន្ទុកដឹកនាំសកលវិទ្យាល័យ ព្រះសីហនុរាជ អនុប្រធានលេខាធិការដ្ឋានគណៈសង្ឃនាយក តំណាងដ៏ខ្ពង់ខ្ពស់ សម្ដេចព្រះសង្ឃនាយក នៃព្រះរាជាណាចក្រកម្ពុជា បានមានថេរៈដីកាថា៖ ការស្រង់សុគន្ធវារីប្រគេនប្រគេនព្រះសរណានុរ័ក្ខធម្ម ចាន់ សុធា ឲ្យឡើងជាព្រះរាជាគណៈថ្នាក់កិត្តិយស និងជាព្រះលេខាធិការគណខេត្តព្រៃវែង ព្រះវិន័យធរអនុគណក្រុងព្រៃវែង និងជាព្រះចៅអធិការវត្តសំសមី នេះគឺជា ការប្រគេននូវឋានៈ ប៊ុនស័ក្កតួនាទី មួយដ៏សំខាន់ក្នុងព្រះពុទ្ធសាសនា និងដើម្បីជាការលើកទឹកចិត្ត ដល់ថ្នាក់មន្ត្រីសង្ឃដែលបានខិតខំប្រឹងប្រែងធ្វើការងារក្នុងវិស័យព្រះពុទ្ធសាសនា ដើម្បីធ្វើយ៉ាងណាឱ្យព្រះពុទ្ធសាសនាបានឋិតថេរគង់វង្សចេរកាលតរៀងទៅ។ ក្នុងនោះដែរសម្ដេចព្រះមហាអរិយវង្សបណ្ឌិតមានថេរៈដីការផ្ដាំផ្ញើ ដល់ព្រះសរណានុរ័ក្ខធម្ម ចាន់ សុធា ដែលបានស្រង់សុគន្ធវារីប្រគេនជាព្រះរាជាគណៈថ្នាក់កិត្តិយស និងជាព្រះលេខាធិការគណខេត្តព្រៃវែង ព្រះវិន័យធរអនុគណក្រុងព្រៃវែងនេះ ត្រូវខិតខំប្រឹងប្រែង ជ្រុំ ជ្រែង លើកតំកើងព្រះពុទ្ធសាសនា ឲ្យឋិតថេរ ចេរការយូរអង្វែង។
ក្នុងនោះដែលសម្ដេចព្រះមហាអរិយវង្សបណ្ឌិត បានមានព្រះថេរដីកាផ្ដាំផ្ញើដល់ ព្រះសង្ឃ ទាំងអស់ ត្រូវខិតខំសិក្សារៀនសូត្រ ធម៌ វិន័យ ឲ្យបានជ្រៅជ្រះដែលជាពាក្យប្រៀនប្រដៅរបស់ព្រះសម្មាសម្ពុទ្ធបរមគ្រូ ក្នុងការ អប់រំណែនាំឱ្យមនុស្ស លោកទាំងអស់ ដើរនៅផ្លូវត្រូវ ធ្វើតែអំពើល្អ ជៀសឆ្ងាយពីអំពើអកុសលទាំងពួង និងធ្វើឲ្យ ព្រះពុទ្ធសាសនានៃយើងស្ថិតថេគង់វង់យូអង្វែង៕
