នៅព្រឹកថ្ងៃអង្គារ ទី១២ ខែឧសភា ឆ្នាំ២០២៦
ដោយអនុវត្តតាមការចង្អុរលដឹកនំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានចាត់លោកស្រីវរសេនីយ៍ទោ គង់ ធារិទ្ធ ស្នងការរង ជាតំណាង បានដឹកនាំក្រុមការងារយេនឌ័រ នៃស្នងការដ្ឋាននគរបាលខេត្តកណ្តាល ចុះសួរសុខទុក្ខ លោកស្រីអនុសេនីយ៍ឯក មឿន ផល្លីន អធិការរងទទួលការងារប្រឆាំងការជួញដូរមនុស្ស និងការពារអនីតិជន នៃអធិការដ្ឋាននគរបាលស្រុកអង្គស្នួល ដែលទើបសម្រាលបានបុត្រាម្នាក់ដ៏គួរឲ្យស្រឡាញ់ និងកំពុងសម្រាកលំហែមាតុភាពនៅឯគេហដ្ឋាន ស្ថិតក្នុងភូមិច្រកក្រសាំង ឃុំទួលព្រិច ស្រុកអង្គស្នួល ខេត្តកណ្តាល។
ឆ្លៀតក្នុងឱកាសនេះដែរ លោកស្រីវរសេនីយ៍ទោ គង់ ធារិទ្ធ បានពាំនាំនូវប្រសាសន៍សាកសួរសុខទុក្ខ ពីសំណាក់លោកឧត្តមសេនីយ៍ទោស្នងការ និងបាននាំយកនូវថវិកាមួយចំនួន ព្រមទាំងភេសជ្ជៈរួមមាន៖ ទឹកសុទ្ធ២កេស ទឹកក្រូច២កេស ទឹកដោះគោឆៅ២យួរ ទឹកត្រចៀកកាំ២យួរ ដែលបានមកពី ការចូលរួមពីសំណាក់លោក លោកស្រី អធិការរង សមាជិកក្រុមការងារយេនឌ័រ នៃស្នងការដ្ឋាននគរបាលខេត្តកណ្តាល ប្រគល់ជូនលោកស្រីអនុសេនីយ៍ឯក មឿន ផល្លីន ផងដែរ។
