កិច្ចប្រជុំពិនិត្យ ពិភាក្សា និងសម្របសម្រួលដោះស្រាយគោលនយោបាយ ប្រជាពលរដ្ឋអាស្រ័យផលជាក់ស្ដែង

នៅរសៀលថ្ងៃទី២៨ មិថុនា ឆ្នាំ​២០២២ នៅសាលប្រជុំសាលាខេត្ត លោកវរសេនីយ៍ឯក ឡាក់ ម៉េងធី ស្នងការរង តំណាង​លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្ត​កណ្តាល​ អញ្ជើញ​ចូលរួមក្នុងកិច្ចប្រជុំពិនិត្យ ពិភាក្សា និងសម្របសម្រួលដោះស្រាយគោលនយោបាយ ប្រជាពលរដ្ឋអាស្រ័យផលជាក់ស្ដែងក្នុងអាងទឹកព្រែករាំង ស្ថិតនៅភូមិព្រែករាំង ភូមិទួលខ្មួញ ឃុំទឹកវិល ស្រុកស្អាង ខេត្ដកណ្ដាល ក្រោមអធិបតីភាព ឯកឧត្ដម ណុប ដារ៉ា អភិបាលរងខេត្ដ តំណាងឯកឧត្តម គង់ សោភ័ណ្ឌ អភិបាល​នៃគណៈអភិបាលខេត្ត​កណ្តាល​។