ប្រជាពលរដ្ឋរស់នៅក្រុងព្រះវិហារស្នើសុំ លោកឧត្តមសេនីយ៍ទោ សួស សុខដារ៉ា ស្នងការ និងឯកឧត្តម គឹម រិទ្ធី អភិបាលនៃគណះអភិបាលខេត្ត មេត្តាជួយបង្រាល្បែងអនឡាញនៅជិតផ្ទេះរបស់ពួកគាត់ផង .

ព្រះវិហារ៖ ប្រជាពលរដ្ឋជាច្រើនគ្រួសារ បានសម្តែងការព្រួយបារម្ភយ៉ាងខ្លាំង ពីសន្តិសុខនៅក្នុងមូលដ្ឋាន ភូមិ-ឃុំរបស់ពួកគាត់ ខណៈល្បែងស៊ីសង ៣ទៅ៤កន្លែង នៅភូមិហ្មសែត និងភូមិអូរខ្លែងព័រគឺ(ឆ្នោតឡូតូតាមអនឡាញ) ហើយក៏ទទូចស្នើរសុំកិច្ចអន្តរាគមន៍ ពីលោកឧត្តមសេនីយ៍ទោ សួស សុខដារ៉ា ស្នងការនគរបាលខេត្ត ជាពិសេសឯកឧត្ដម គីម រិទ្ធី អភិបាល និងជាប្រធានគណៈបញ្ជាការឯកភាពរដ្ឋបាលខេត្តព្រះវិហារ មេត្តាបញ្ជាកម្លាំងសមត្ថកិច្ច ចុះបង្រ្គាបទីតាំងឆ្នោត ឡូតូ បង្កប់ជលមាន់ តាមអនឡាញ ស្ថិតនៅភូមិ ហ្ម សែត សង្កាត់ប៉ាលហាល ក្រុងព្រះវិហារ ខេត្តព្រះវិហារ ដែលមានទីតាំង៣ទៅ៤កន្លែងគឺ៖

១-ផ្ទះឈ្មោះ ចែ លី
២-ផ្ទះប្តីឈ្មោះ វី ប្របន្ធឈ្មោះសាវ៉េន នៅខាងជើងវត្តប្រយុទ្ធ ទីតាំង
ទី៣ខាងត្បូងវត្តប្រយុទ្ធនៅផ្ទះប្តីឈ្មោះម៉ៅ ប្រពន្ធឈ្មោះ ចាន់ សុខ
ទីតាំងទី៤នៅក្នុងចំណតរថយន្តក្រុងព្រះវិហារ ដែលទីតាំងទាំងនេះបើកល្បែង ឆ្នោតឡូតូ ក៏ដូចជាមាន់ជលតាមអនឡាញ ដែលច្បាប់កំពុងហាមឃាត់ ក៏ដូចជាប្រសាសន៍និងវិធានការ របស់ប្រមុខរាជរដ្ឋាភិបាលបានដាក់ចេញនៅក្នុងអណត្តិនេះផងដែរ។
គ្រួសាររងគ្រោះបានលើកឡើងថា ស្របពេលឥឡូវសេដ្ឋកិច្ចកំពុងតែជួបការលំបាក តាមក្រុមគ្រួសារនីមួយៗប្រឈមមុខនិងការខ្វះខាតជាខ្លាំង ស្របពេលនេះដែរក្រុមដែលលបលួចបើកល្បែងស៊ីសងទាំងអស់នេះ បានអូសទាញសមាជិកក្នុងគ្រួសាររបស់ពួកគាត់អោយលួចយកលុយពីផ្ទះ យកទៅលេងល្បែងទាំងនេះ នៅពេលលេងចាញ់អស់មកផ្ទះវិញរករឿងប្រពន្ធកូន ស្ទើររាល់ថ្ងៃ ពេលខ្លះក៏ឈានទៅដល់ការប្រើហឹង្សាក្នុងគ្រួសារថែមទៀតផង។
ហេតុដូចនេះហើយពួកគាត់ក៏សូមសំណូមពរទៅដល់លោកឧត្តមសេនីយ៍ទោ សួស សុខដារ៉ា ស្នងការនគរបាលខេត្ត ជាពិសេសឯកឧត្ដម គីម រិទ្ធី អភិបាល និងជាប្រធានគណៈបញ្ជាការឯកភាពរដ្ឋបាលខេត្តព្រះវិហារ មេត្តាមានវិធានការបង្រ្គាបទៅលើល្បែងស៊ីសងទាំងអស់នេះអោយទាន់ពេលវេលាផងទាន៕