ខេត្តកែប៖ ជំនួយការផ្ទាល់សម្តេចតេជោហ៊ុនសែន និងរដ្ឋបាលខេត្តកែបបានឯកភាពទទួលយក សំណើររបស់ក្រុមអាជីវករនៅតំបន់ឆ្នេរជ្រោយដូង ដោយអនុញ្ញាតឱ្យពួកគាត់អាចបន្តអាស្រ័យផលធម្មតា ខណៈដែលអាជ្ញាធរខេត្តកំពុងអនុវត្តនូវគម្រោងរៀបខឿនពង្រីកច្រាំងសមុទ្រនេះ ទុកជាប្រយោជន៍សាធារណៈ និងជាតំបន់គោលដៅទេសចរណ៍។
ការឯកភាពបែបនេះធ្វើឡើងក្នុងកិច្ចប្រជុំសំណេះសំណាលមួយកាលពីរសៀលថ្ងៃទី២១ខែ សីហា ឆ្នាំ២០២១ ដែលរៀបចំឡើងដោយរដ្ឋបាលខេត្តកែប ដើម្បីដោះស្រាយសំណូមពររបស់អាជីវករនៅតំបន់ឆ្នេរជ្រោយដូងក្រោមអធិបតីភាព ឯកឧត្តមដួង តារាជំនួយការផ្ទាល់សម្តេចតេជោហ៊ុនសែន នាយករដ្ឋមន្ត្រី និងជារដ្ឋលេខាធិការទីស្តីការគណៈរដ្ឋមន្ត្រី និងឯកឧត្តម សោម ពិសិដ្ឋ អភិបាល នៃគណៈភិបាលខេត្តកែប ជាមួយនឹងតំណាងអាជីវករចំនួន៦នាក់។
ដើម្បីឱ្យកាន់តែច្បាស់ និងលម្អិតនោះសូមអាននូវសេចក្តីប្រកាសព័ត៌មានរបស់រដ្ឋបាលខេត្តកែបចេញផ្សាយថ្ងៃទី២០ខែសីហាឆ្នាំ២០២១ដែលមានខ្លឹមសារដូចខាងក្រោមនេះ៖
